యువతిపై ప్రేమోన్మాది కత్తితో దాడి

యువతిపై ప్రేమోన్మాది కత్తితో దాడి

హైదరాబాద్‌ శివార్లలోని నార్సింగి పరిధిలో దారుణం చోటు చేసుకుంది.. హైదర్‌షాకోట్‌లో ఓ యువతిపై ప్రేమోన్మాది కత్తితో దాడికి పాల్పడ్డాడు. దీంతో ఆ యువతి తీవ్రంగా గాయపడింది. వెంటనే అప్రమత్తమైన స్థానికులు ఆ యువతిని లంగర్‌హౌస్‌లోని ఓ ప్రయివేట్ హాస్పిటల్‌కు తరలించారు. ఆమె పరిస్థితి విషమంగా ఉందని తెలుస్తోంది.

బాధితురాలు ఓ సాఫ్ట్‌వేర్ సంస్థలో ఉద్యోగం చేస్తోందని సమాచారం. ప్రయివేట్ కంపెనీలో పని చేసే సులేమాన్ అనే వ్యక్తి ఆమెను ప్రేమించానంటూ కొంత కాలంగా వెంటపడుతున్నాడు. దీంతో అతడిపై బాధితురాలి తండ్రి గతంలో షీ టీమ్ పోలీసులకు ఫిర్యాదు చేశారు. అయినప్పటికీ అతడు తీరు మార్చుకోలేదు.

మంగళవారం సాయంత్రం సదరు యువతి ఇంటికి రావడం గమనించిన దుండగుడు.. నేరుగా ఇంటికి వెళ్లి ఆమెపై దాడికి పాల్పడ్డాడు. నిందితుడు పరారీలో ఉన్నాడని తెలుస్తుండగా.. ఈ ఘటనకు సంబంధించిన పూర్తి వివరాలు తెలియాల్సి ఉంది.