తెలుగువాడైన విశాల్ తమిళ సినీ పరిశ్రమలో తనదైన ఇమేజ్ సంపాదించుకున్నాడు. నడిగర్ సంఘం ప్రధాన కార్యదర్శి, తమిళ నిర్మాతల మండలి అధ్యక్షుడిగా డ్యుయెల్ రోల్ పోషిస్తున్నాడు. ఆయన తాజాగా షూటింగ్‌లో గాయపడ్డారు. ప్రముఖ దర్శకుడు సి.సుందర్ దర్శకత్వంలో తెరకెక్కుతున్న సినిమా చిత్రీకరణలో భాగంగా యూనిట్ టర్కీ వెళ్లింది. అక్కడ బైక్ నడిపే సన్నివేశంలో ప్రమాదం జరిగింది. ఈ ఘటనలో విశాల్ తీవ్రంగా గాయపడ్డారు. ఆయన ఎడమ కాలు, చేయి విరిగినట్లు తెలుస్తోంది. యాక్షన్ సన్నివేశంలో విశాల్ డూప్ లేకుండా నటించడంతోనే ఈ ప్రమాదం జరిగినట్లు సమాచారం. చేయి, కాలుకు కట్టు కట్టి ఉన్న ఫోటోను సినీ విశ్లేషకుడు రమేష్ బాలా తన ట్విటర్ అకౌంట్‌లో షేర్ చేశారు. విశాల్‌కు ప్రమాదం జరిగి వెంటనే యూనిట్ సభ్యులు ఆస్పత్రికి తరలించి చికిత్స అందించారని తెలిపారు. ఇటీవలే హైదరాబాద్‌కు చెందిన అనీశా యువతితో నిశ్చితార్థం జరిగింది.