పోస్టాఫీస్ స్కీమ్ గురించి ప్రత్యేకంగా చెప్పాల్సిన పని లేదు. పోస్టల్ స్మాల్ సేవింగ్ స్కీమ్స్‌లో డబ్బులు పెట్టడం వల్ల రిస్క్ ఉండదు. అలాగే ఆకర్షణీయ రాబడి పొందొచ్చు. రిస్క్ లేకుండా లాభం పొందాలని భావించే వారికి పోస్టాఫీస్ స్కీమ్స్ అనువుగా ఉంటాయని చెప్పుకోవచ్చు.
పోస్టాఫీస్‌లో చాలా రకాల పథకాలు అందుబాటులో ఉన్నాయి. వీటిల్లో నేషనల్ సేవింగ్స్ సర్టిఫికెట్ NSC కూడా ఒకటి. ఇందులో చేరితే ఫిక్స్‌డ్ డిపాజిట్ల FD కన్నా అధిక రాబడి పొందొచ్చు. రూ.100 నుంచి డబ్బులు ఇన్వెస్ట్ చేయొచ్చు. గరిష్ట పరిమితి అంటూ ఏమీ లేదు.
ఎన్ఎస్‌సీ స్కీమ్‌పై ప్రస్తుతం 6.8 శాతం వడ్డీ లభిస్తోంది. స్కీమ్ గడువు 5 ఏళ్లు. అయితే మెచ్యూరిటీ కాలాన్ని మళ్లీ 5 ఏళ్లు పొడిగించుకోవచ్చు. వడ్డీ మొత్తం మూడు నెలలకు ఒకసారి మీ అకౌంట్‌కు జమవుతూ వస్తుంది. అయితే డబ్బులు మాత్రం మెచ్యూరిటీ తర్వాతనే తీసుకోగలం.
ఉదాహరణకు మీరు ఎన్ఎస్‌సీ స్కీమ్‌లో రూ.15 లక్షలు ఇన్వెస్ట్ చేశారని అనుకుందాం. మెచ్యూరిటీ తర్వాత మీ చేతికి రూ.20.85 లక్షలు వస్తాయి. అంటే దాదాపు రూ.6 లక్షల లాభం వచ్చినట్లు అవుతుంది. ఈ స్కీమ్‌లో చేరడం వల్ల ఆదాయపు పన్ను చట్టం కింద పన్ను మినహాయింపు ప్రయోజనాలు కూడా పొందొచ్చు.