తమిళ స్టార్ హీరో ధనుష్ dhanush ప్రస్తుతం వరుస సినిమాలతో బిజీగా ఉన్నారు. హీరోగా మాత్రమే కాకుండా దర్శకుడిగానూ విభిన్నమైన కథలను ఎంచుకుంటూ తన కెరీర్ను ముందుకు తీసుకెళ్తున్నారు. ఇదిలా ఉంటే ధనుష్ గతంలో తెలుగు నిర్మాత నాగవంశీతో కలిసి చేసిన ‘సార్’ సినిమా మంచి విజయాన్ని అందుకున్న సంగతి తెలిసిందే.
‘సార్’ తర్వాత మరోసారి నాగవంశీ నిర్మాణంలో ధనుష్ సినిమా చేయనున్నట్లు గతంలోనే వార్తలు వచ్చాయి. తాజాగా ఈ ప్రాజెక్ట్పై మేకర్స్ అధికారిక ప్రకటన చేశారు. ధనుష్ కెరీర్లో 59వ చిత్రంగా ఈ సినిమాను అనౌన్స్ చేశారు. విడుదల చేసిన పోస్టర్ సినిమాపై ఆసక్తిని పెంచేలా ఉండటంతో పాటు ఇది థ్రిల్లర్ జానర్లో తెరకెక్కనుందా అనే చర్చ మొదలైంది.
ఈ చిత్రానికి విజయ్ బి కుమార్ దర్శకత్వం వహించనున్నారు. ధనుష్ సరసన ‘కన్నప్ప’తో పాటు ఇటీవల ‘బ్లాస్ట్’ చిత్రంతో గుర్తింపు తెచ్చుకున్న ప్రీతీ ముకుందన్ హీరోయిన్గా నటించనుంది. దీంతో ఈ కాంబినేషన్పై కూడా ఆసక్తి నెలకొంది.
మరో ప్రత్యేకత ఏమిటంటే యంగ్ మ్యూజిక్ సెన్సేషన్ సాయి అభ్యంకర్ ఈ చిత్రానికి సంగీతం అందించనున్నారు. కథకు తగ్గట్టుగా ఆయన అందించే సంగీతం సినిమాకు మరో ఆకర్షణగా నిలిచే అవకాశం ఉంది.
నిర్మాణ సంస్థ, ఇతర నటీనటులు, కథకు సంబంధించిన పూర్తి వివరాలను మేకర్స్ ఇంకా వెల్లడించాల్సి ఉంది. అయితే పోస్టర్లో కనిపిస్తున్న టోన్ను బట్టి ధనుష్ నుంచి మరో విభిన్నమైన సినిమా రాబోతుందనే ఆసక్తి అభిమానుల్లో మొదలైంది.
ఇక ఈ చిత్రాన్ని వచ్చే ఏడాది వేసవి కానుకగా ప్రేక్షకుల ముందుకు తీసుకురానున్నట్లు మేకర్స్ అధికారికంగా ప్రకటించారు. ధనుష్, నాగవంశీ కాంబినేషన్లో మరోసారి వస్తున్న ఈ ప్రాజెక్ట్ ఎలాంటి కథతో తెరకెక్కుతుందో తెలియాలంటే మరిన్ని అప్డేట్స్ కోసం వేచి చూడాల్సిందే.
