ప్రభాస్ అభిమానులు ఎంతకాలంగా ఎదురుచూస్తున్న Fauzi సినిమా నుంచి భారీ అప్డేట్ వచ్చింది. చిత్రబృందం అధికారికంగా సినిమా రిలీజ్ డేట్ ప్రకటించింది. హను రాఘవపూడి దర్శకత్వంలో తెరకెక్కుతున్న ఈ పాన్ ఇండియా మూవీ 2026 డిసెంబర్ 3న ప్రపంచవ్యాప్తంగా గ్రాండ్గా విడుదల కానుంది.
తాజాగా విడుదల చేసిన పోస్టర్లో ప్రభాస్ యుద్ధభూమిలో రక్తసిక్తంగా కనిపిస్తూ ఆకట్టుకున్నారు. పోస్టర్పై “అజ్ఞాతపర్వం ముగిసింది.. తిరుగుబాటు ప్రారంభమైంది” అనే ట్యాగ్లైన్ అభిమానుల్లో మరింత ఆసక్తిని పెంచుతోంది.
Fauzi Release Date అధికారిక ప్రకటన
సినిమా అధికారిక సోషల్ మీడియా హ్యాండిల్ ద్వారా “अज्ञातपर्व ENDS. THE REBELLION BEGINS” అంటూ రిలీజ్ డేట్ను ప్రకటించింది. దీంతో ప్రభాస్ అభిమానులు సోషల్ మీడియాలో పోస్టర్ను వైరల్ చేస్తున్నారు.
ఈ చిత్రాన్ని దర్శకుడు హను రాఘవపూడి తెరకెక్కిస్తుండగా, మైత్రీ మూవీ మేకర్స్, టీ-సిరీస్ సంస్థలు నిర్మిస్తున్నాయి. భారీ బడ్జెట్తో రూపొందుతున్న ఈ సినిమా స్వాతంత్ర్యానికి ముందు జరిగిన సంఘటనల నేపథ్యంలో పీరియాడిక్ యాక్షన్ డ్రామాగా తెరకెక్కుతున్నట్లు సమాచారం.
ప్రభాస్ అభిమానుల్లో భారీ అంచనాలు
‘సలార్’, ‘కల్కి 2898 AD’ విజయాల తర్వాత ప్రభాస్ నుంచి వస్తున్న మరో భారీ ప్రాజెక్ట్ కావడంతో Fauziపై భారీ అంచనాలు నెలకొన్నాయి. తాజాగా విడుదలైన పోస్టర్ సినిమా స్థాయిని మరింత పెంచింది.
ఇప్పుడు అభిమానుల దృష్టి మొత్తం సినిమా టీజర్, ట్రైలర్ విడుదలలపైనే ఉంది.
