యంగ్ హీరో అనీష్, అందాల భామ అనస్వర రాజన్ జంటగా నటిస్తున్న తాజా చిత్రం ‘ఇట్లు అర్జున’ Itlu Arjuna. లవ్ అండ్ ఎంటర్టైనర్గా తెరకెక్కుతున్న ఈ సినిమా ఇప్పటికే ప్రేక్షకుల్లో ఆసక్తిని పెంచుతోంది. సినిమాకు సంబంధించిన అప్డేట్స్ కోసం ఎదురుచూస్తున్న అభిమానులకు తాజాగా మేకర్స్ ఓ ఇంట్రెస్టింగ్ న్యూస్ను అందించారు.
ఎట్టకేలకు ‘ఇట్లు అర్జున’ టీజర్ రిలీజ్ డేట్ను మేకర్స్ ప్రకటించారు. సెప్టెంబర్ 19న ఈ మూవీ టీజర్ను గ్రాండ్గా విడుదల చేయనున్నట్లు వెల్లడించారు. దీంతో టీజర్లో అనీష్, అనస్వర రాజన్ల పాత్రలను ఎలా పరిచయం చేయబోతున్నారనే ఆసక్తి ప్రేక్షకుల్లో నెలకొంది.
మహేష్ ఉప్పాల దర్శకత్వంలో తెరకెక్కుతున్న ఈ చిత్రం లవ్, ఎంటర్టైన్మెంట్ అంశాల కలయికతో రూపొందుతోంది. ఇప్పటికే విడుదలైన సినిమా వివరాలు, ప్రచార కంటెంట్తో మూవీపై కొంత బజ్ ఏర్పడగా, తాజాగా టీజర్ అనౌన్స్మెంట్తో హైప్ మరింత పెరిగింది.
ఈ సినిమాకు మ్యూజిక్ సెన్సేషన్ ఎస్.ఎస్. థమన్ సంగీతం అందిస్తున్నారు. ఆయన అందించే సంగీతం సినిమాకు మరో ప్రత్యేక ఆకర్షణగా నిలుస్తుందని చిత్రబృందం భావిస్తోంది. వెంకీ కుడుముల సమర్పిస్తున్న ఈ చిత్రాన్ని దసరా కానుకగా అక్టోబర్లో థియేటర్లలో విడుదల చేసేందుకు మేకర్స్ సన్నాహాలు చేస్తున్నారు.
మరి సెప్టెంబర్ 19న ప్రేక్షకుల ముందుకు రానున్న ‘ఇట్లు అర్జున’ టీజర్లో ఎలాంటి విజువల్స్, లవ్ ట్రాక్, ఎంటర్టైన్మెంట్ అంశాలను చూపించబోతున్నారో చూడాలి. ఈ టీజర్ సినిమాపై అంచనాలను మరింత పెంచుతుందా అనేది ఆసక్తికరంగా మారింది.