దివంగత నటుడు, తెలుగుదేశం వ్యవస్థాపకుడు ఎన్టీఆర్ బయోపిక్‌ను డైరెక్టర్ క్రిష్ తెరకెక్కిస్తున్న సంగతి తెలిసిందే. వెండితెరపైనే కాకుండా తెలుగు ప్రజల జీవితాలపై చెరగని ముద్ర వేసిన ఎన్టీఆర్ జీవితాన్ని తెరపై చూడటం కోసం ప్రేక్షకులు ఆసక్తి కనబరుస్తున్నారు. దీంతో ఇప్పటికే ఈ సినిమా కోసం స్టార్ క్యాస్టింగ్ భారీ రేంజ్ లో ఉంది. దీంతో ఇప్పటి వరకూ ‘యన్.టి.ఆర్’ అని ఈ సినిమా పేరును ప్రచారం చేయగా దానికి కథానాయకుడు అనే క్యాప్షన్ తగిలించారు.
టైటిల్‌ను ఎన్టీఆర్ కథానాయకుడిగా మార్చడాన్ని బట్టి రెండు భాగాలుగా ఈ సినిమా ఉంటుందని భావిస్తున్నారు. రెండో భాగానికి యన్.టి.ఆర్ ప్రజానాయకుడు అని టైటిట్ పెట్టినట్టు తెలుస్తోంది. ప్రతి కథకీ ఓ నాయకుడుంటాడు.. కానీ కథగా మారే నాయకుడొక్కడే వుంటాడు.. జనవరి 9 న అంటూ క్రిష్ అతన ట్విట్టర్ లో షేర్ చేశారు. ఈ సినిమాను సంక్రాంతి కానుకగా వచ్చే ఏడాది జనవరి 9న విడుదల చేయనున్నామని డైరెక్టర్ క్రిష్ తెలిపాడు. ఆ టైటిల్ పోస్టర్ మీరు కూడా ఒక సారి చూసెయ్యండి మరి.
