కోలీవుడ్ మాస్ హీరో విశాల్ నటించిన తాజా చిత్రం ‘మకుటం’ Makutam. దుశరా విజయన్ హీరోయిన్గా నటించిన ఈ సినిమాకు విశాల్ స్వయంగా దర్శకత్వం వహించారు. తమిళంలో ‘మగుడం’ పేరుతో తెరకెక్కిన ఈ చిత్రాన్ని తెలుగులో ‘మకుటం’ పేరుతో డబ్ చేసి ప్రేక్షకుల ముందుకు తీసుకొచ్చారు.
ఈ సినిమాతో విశాల్ తొలిసారి దర్శకుడిగా మెగాఫోన్ పట్టుకున్నారు. భారీ యాక్షన్ అంశాలతో పాటు ఆసక్తికరమైన కథాంశంతో సినిమాను రూపొందించిన ఆయన.. దాదాపు మూడు గంటల నిడివితో చిత్రాన్ని ప్రేక్షకుల ముందుకు తీసుకొచ్చారు. అయితే భారీ అంచనాల మధ్య విడుదలైన ఈ సినిమా బాక్సాఫీస్ వద్ద మాత్రం ఆశించిన స్థాయిలో ప్రభావం చూపించలేకపోయింది.
తమిళంతో పాటు తెలుగులోనూ ‘మకుటం’కు ప్రేక్షకుల నుంచి పెద్దగా ఆదరణ లభించలేదు. దీంతో థియేటర్లలో ఈ సినిమా ఎక్కువ రోజులు కొనసాగలేకపోయింది. విడుదలైన కొద్దిరోజుల్లోనే థియేటర్ల నుంచి ఈ చిత్రం కనుమరుగైంది. ఫలితంగా విశాల్కు దర్శకుడిగా తొలి ప్రయత్నం నిరాశనే మిగిల్చింది.
అయితే ఇప్పుడు ఈ సినిమా ఓటీటీ ప్రేక్షకులను పలకరించేందుకు సిద్ధమైంది. థియేట్రికల్ రన్ పూర్తయిన అనంతరం ‘మకుటం’ డిజిటల్ స్ట్రీమింగ్లోకి వచ్చేసింది. ప్రముఖ ఓటీటీ ప్లాట్ఫామ్ అమెజాన్ ప్రైమ్ వీడియోలో ఈ సినిమా అందుబాటులోకి వచ్చింది.
తమిళం, తెలుగు భాషలతో పాటు కన్నడ, మలయాళ భాషల్లోనూ ‘మకుటం’ను స్ట్రీమింగ్ చేయవచ్చు. థియేటర్లలో నిరాశపరిచిన ఈ సినిమాకు ఓటీటీలో అయినా ప్రేక్షకుల నుంచి మంచి స్పందన వస్తుందా అనేది ఆసక్తికరంగా మారింది. థియేటర్లలో మిస్ అయిన ప్రేక్షకులు ఇప్పుడు ఓటీటీ ద్వారా సినిమాను చూసే అవకాశం ఉంది.
ఇక ఈ చిత్రానికి జీవీ ప్రకాష్ కుమార్ సంగీతం అందించారు. విశాల్తో పాటు ఆర్బీ చౌదరి నిర్మాణ సంస్థలు ఈ సినిమాను నిర్మించాయి. మరి థియేటర్లలో ఆశించిన ఫలితాన్ని అందుకోలేకపోయిన ‘మకుటం’ ఓటీటీలో ఎలాంటి రెస్పాన్స్ సొంతం చేసుకుంటుందో చూడాలి.