మన టాలీవుడ్ యంగ్ హీరో మంచు విష్ణు ఇప్పుడు తన డ్రీం ప్రాజెక్ట్ సినిమా భక్త కన్నప్ప చిత్రాన్ని చేస్తున్న సంగతి తెలిసిందే. తన తండ్రి డైలాగ్ కింగ్ మోహన్ బాబు ఈ సినిమా నిర్మాణం వహిస్తుండగా ఈ సినిమా కి అయితే తాము భారీ బడ్జెట్ పెట్టి భారీ తారాగణంతో పాన్ ఇండియా వైడ్ గా గ్రాండ్ గా ప్లాన్ చేస్తున్నారు. మరి ఈ మూవీ స్టార్ట్ చేయడంతోనే మొట్ట మొదట పాన్ ఇండియా స్టార్ హీరో ప్రభాస్ పేరు బయటకి వచ్చి సెన్సేషన్ కాగా మరింత మంది బిగ్ స్టార్ లు పేరు ఈ చిత్రం నుంచి ఉంటాయని కూడా బజ్ వచ్చింది.
మరి ఇప్పుడు దానిని నిజం చేస్తూ ఈ చిత్రంలో మలయాళ మెగాస్టార్ అయినటువంటి మోహన్ లాల్ కూడా నటిస్తున్నట్టుగా వార్తలు కన్ఫర్మ్ అయ్యాయి. దీనితో ఈ చిత్రంలో ఓ కీలక పాత్రకి అయితే మోహన్ లాల్ ఓకే చెప్పారని దీనితో తన ప్రెజెన్స్ కూడా ఈ మూవీ లో ఉంటుంది అని ఇప్పుడు కన్ఫర్మ్ అయ్యింది. మొత్తానికి అయితే మంచు వారు ఈ సినిమా ని చాలా గ్రాండ్ గా ప్లాన్ చేస్తున్నారని చెప్పాలి.
