తెలంగాణ మంత్రి కేటీఆర్ సోషల్‌మీడియాలో యాక్టివ్ ఉంటారన్న సంగతి తెలిసిందే. తమ ప్రభుత్వం చేస్తున్న పనులపై ట్వీట్లు చేస్తూనే.. ఎవరైనా ఆపదలో ఉన్నామంటే వెంటనే స్పందించి సాయం చేస్తుంటారు. తాజాగా తెలంగాణ హరితహారంపై టైమ్స్ ఆఫ్ ఇండియా వెబ్‌సైట్ ప్రచురించిన కథనాన్ని ఆయన తన ట్విటర్ అకౌంట్లో షేర్ చేశారు. తెలంగాణ హరితహారం దేశంలోనే బిగ్గెస్ట్ ప్లాంటేషన్ డ్రైవ్ అని, లక్ష్యాన్ని మించి విజయం సాధించిదంటూ టీఓఐ కథనాన్ని ప్రచురించింది. ఈ కథనాన్ని గురువారం కేటీఆర్ ట్వీట్ చేశారు.
ఆ ట్వీట్‌పై బాలీవుడ్ సీనియర్ నటి రవీనా టాండన్ స్పందించారు. ‘మీ ప్రయత్నం అద్భుతం.. దానిలో మీరు మరింత విజయం సాధించాలని కోరుకుంటున్నాను సార్’ అంటూ ట్వీట్ చేశారు. కేటీఆర్ ట్వీట్‌కు ఏకంగా బాలీవుడ్ హీరోయినే స్పందించి రిప్లయ్ ఇవ్వడంపై నెటిజన్లు కామెంట్స్ చేస్తున్నారు. కేటీఆర్ రేంజ్ ఇదేనంటూ కొందరు, కేటీఆర్ ఫాలోయింగ్ బాలీవుడ్ హీరోయిన్ల వరకు వెళ్లిదంటూ మరికొందరు నెటిజన్లు కామెంట్లు చేస్తున్నారు.