రెబల్ స్టార్ ప్రభాస్ టైటిల్ రోల్ లో నటిస్తున్న లేటెస్ట్ గ్యాంగ్ స్టర్ డ్రామా సలార్. కేజీఎఫ్ సిరీస్ సినిమా లతో సూపర్ క్రేజ్ ను సొంతం చేసుకున్న ప్రశాంత్ నీల్ ఈ చిత్తానికి దర్శకత్వం వహిస్తున్నారు. ఈ సినిమా రిలీజ్ కోసం ఆడియెన్స్ ఎంతగానో ఎదురు చూస్తున్నారు. ఈ చిత్రం నుండి రిలీజైన ప్రచార చిత్రాలకి ప్రేక్షకుల నుండి, అభిమానుల నుండి ఇప్పటికే సూపర్ రెస్పాన్స్ వచ్చింది. అయితే కేజీఎఫ్ 2 లాంటి ఇండస్ట్రీ హిట్ తర్వాత డైరెక్టర్ చేస్తున్న మూవీ కావడంతో సినిమా పై భారీ హైప్ నెలకొంది.
ఈ సినిమా మరో 50 రోజుల్లో థియేటర్ల లోకి రానుంది. ఇదే విషయాన్ని మరోసారి మేకర్స్ వెల్లడించారు. డిసెంబర్ 22, 2023 న వరల్డ్ వైడ్ గా థియేటర్ల లోకి రానున్న ఈ చిత్రం లో శృతి హాసన్ హీరోయిన్ గా నటిస్తుండగా పృధ్వీ రాజ్, జగపతి బాబు, శ్రియా రెడ్డి లు కీలక పాత్రల్లో నటించనున్నారు . ఈ పాన్ ఇండియా సినిమా పై భారీ అంచనాలు నెలకొన్నాయి.
