బాలీవుడ్ నుంచి అత్యంత భారీ అంచనాలతో ప్రేక్షకుల ముందుకు రాబోతున్న చిత్రాల్లో ‘రామాయణ’ Ramayana కూడా ఒకటి. బాలీవుడ్ స్టార్ హీరో రణబీర్ కపూర్, సాయి పల్లవి జంటగా నటిస్తున్న ఈ భారీ ప్రాజెక్ట్కు నితీష్ తివారి దర్శకత్వం వహిస్తున్నారు. ఇప్పటికే ఈ సినిమా నుంచి విడుదలైన విజువల్స్, ప్రచార కంటెంట్ ప్రేక్షకుల్లో భారీ ఆసక్తిని పెంచాయి.
పాన్ వరల్డ్ స్థాయిలో రూపొందుతున్న ‘రామాయణ’ను ఇండియన్ సినిమా నుంచి వస్తున్న మరో భారీ విజువల్ ట్రీట్గా తెరకెక్కిస్తున్నారు. ఈ సినిమాకు మ్యూజిక్ విషయంలోనూ క్రేజీ కాంబినేషన్ కుదిరింది. ఆస్కార్ విజేత, హాలీవుడ్ ప్రముఖ సంగీత దర్శకుడు హన్స్ జిమ్మర్తో పాటు మన దేశానికి చెందిన దిగ్గజ సంగీత దర్శకుడు ఏఆర్ రెహమాన్ కూడా ఈ ప్రాజెక్ట్ కోసం పనిచేస్తున్నారు.
దీంతో ‘రామాయణ’ విజువల్స్తో పాటు మ్యూజిక్పై కూడా భారీ అంచనాలు నెలకొన్నాయి. ముఖ్యంగా ఈ సినిమా నుంచి వచ్చే పాటలు ఎలా ఉండబోతున్నాయనే ఆసక్తి అభిమానుల్లో ఉంది. ఈ నేపథ్యంలో తాజాగా ‘రామాయణ’ ఫస్ట్ సాంగ్ రిలీజ్కు సంబంధించిన ఓ ఆసక్తికరమైన బజ్ సోషల్ మీడియాలో వినిపిస్తోంది.
తాజా సమాచారం ప్రకారం ‘రామాయణ’ నుంచి తొలి పాటను సెప్టెంబర్లో విడుదల చేసేందుకు మేకర్స్ ప్లాన్ చేస్తున్నట్లు తెలుస్తోంది. అయితే సాంగ్ రిలీజ్కు సంబంధించిన ఖచ్చితమైన తేదీపై ఇంకా అధికారిక క్లారిటీ రావాల్సి ఉంది. ఒకవేళ సెప్టెంబర్లో ఫస్ట్ సాంగ్ విడుదలైతే సినిమాపై ఉన్న హైప్ మరింత పెరిగే అవకాశం ఉంది.
ఇక ఈ భారీ చిత్రాన్ని నమిత్ మల్హోత్రా, యశ్ సంయుక్తంగా నిర్మిస్తున్నారు. భారీ బడ్జెట్తో తెరకెక్కుతున్న ఈ చిత్రం పాన్ వరల్డ్ స్థాయిలో ప్రేక్షకుల ముందుకు రాబోతోంది. ప్రస్తుతానికి అందుతున్న సమాచారం ప్రకారం ‘రామాయణ’ నవంబర్ 8న దీపావళి కానుకగా విడుదలకు సిద్ధమవుతోంది.
మొత్తానికి ఫస్ట్ సాంగ్ రిలీజ్పై వినిపిస్తున్న ఈ లేటెస్ట్ బజ్ నిజమైతే, సెప్టెంబర్ నుంచే ‘రామాయణ’ ప్రమోషన్స్ మరింత జోరందుకునే అవకాశం ఉంది.
