టాలీవుడ్ హీరో అల్లరి నరేష్ ప్రధాన పాత్రలో తెరకెక్కిన తాజా ఎంటర్టైనర్ ‘రంభ ఊర్వశి మేనక’. సురభి హీరోయిన్గా నటించిన ఈ చిత్రానికి చంద్రమోహన్ చింతాడ దర్శకత్వం వహించారు. ఈ వారం ప్రేక్షకుల ముందుకు వచ్చిన ఈ సినిమాపై రిలీజ్కు ముందే మంచి అంచనాలు నెలకొన్నాయి.
ముఖ్యంగా అల్లరి నరేష్ ఈ సినిమాపై ఎంతో నమ్మకంతో కనిపించారు. తన మార్క్ కామెడీ, ఎంటర్టైన్మెంట్తో ప్రేక్షకులను అలరించేలా సినిమా ఉంటుందని ఆయన పలు సందర్భాల్లో చెప్పుకొచ్చారు. ఈ క్రమంలోనే ‘రంభ ఊర్వశి మేనక’ తాజాగా థియేటర్లలో విడుదలైంది.
ఇక సినిమా థియేట్రికల్ రిలీజ్తో పాటు ఓటీటీ స్ట్రీమింగ్కు సంబంధించిన అప్డేట్ కూడా వచ్చేసింది. ‘రంభ ఊర్వశి మేనక’ Rambha Urvashi Menaka డిజిటల్ స్ట్రీమింగ్ హక్కులను ప్రముఖ ఓటీటీ ప్లాట్ఫామ్ అమెజాన్ ప్రైమ్ వీడియో సొంతం చేసుకుంది. దీంతో థియేట్రికల్ రన్ పూర్తయిన తర్వాత ఈ సినిమా ప్రైమ్ వీడియోలో స్ట్రీమింగ్కు అందుబాటులోకి రానుంది.
అయితే ఓటీటీ స్ట్రీమింగ్ తేదీపై ప్రస్తుతం అధికారిక ప్రకటన రావాల్సి ఉంది. సాధారణంగా థియేట్రికల్ విడుదలకు కొన్ని వారాల తర్వాత డిజిటల్ ప్రీమియర్ ఉండే అవకాశం ఉంది.
ఈ చిత్రానికి చైతన్ భరద్వాజ్ సంగీతం అందించారు. రాజేష్ దండ, నిమ్మకాయ ప్రసాద్ సంయుక్తంగా నిర్మించిన ఈ సినిమా థియేటర్లలో ఎలాంటి స్పందనను అందుకుంటుందో, ఓటీటీలో ప్రేక్షకులను ఎంతవరకు ఆకట్టుకుంటుందో చూడాలి.
