బాలీవుడ్ స్టార్ హీరో రణబీర్ కపూర్ ప్రస్తుతం వరుస భారీ ప్రాజెక్ట్లతో బిజీగా ఉన్నారు. ఆయన నటిస్తున్న ప్రతిష్టాత్మక చిత్రం ‘రామాయణ’ ఈ ఏడాది దీపావళి కానుకగా ప్రేక్షకుల ముందుకు రానుంది. ఆ తర్వాత ‘రామాయణ పార్ట్ 2’తో పాటు ‘యానిమల్ 2’ Love and War కూడా రణబీర్ లైనప్లో ఉన్నాయి. అయితే వీటికి ముందే మరో క్రేజీ ప్రాజెక్ట్తో రణబీర్ ప్రేక్షకులను పలకరించబోతున్నారు.
ప్రముఖ దర్శకుడు, నిర్మాత సంజయ్ లీలా భన్సాలీ తెరకెక్కిస్తున్న ‘లవ్ అండ్ వార్’ చిత్రంలో రణబీర్ కీలక పాత్రలో నటిస్తున్నారు. తాజాగా ఈ సినిమా నుంచి విడుదలైన ఫస్ట్ లుక్ పోస్టర్ సోషల్ మీడియాలో ఆసక్తిని పెంచుతోంది. ముఖ్యంగా రణబీర్ కనిపించిన విధానం ఆయన అభిమానులకు కొత్త ట్రీట్లా మారింది.
మరోసారి మాస్ యాంగిల్లో రణబీర్
‘యానిమల్’ సినిమాలో రణబీర్ కపూర్ను పూర్తి మాస్ అవతార్లో చూసిన అభిమానులు, మరోసారి అలాంటి ట్రీట్ కోసం ‘యానిమల్ 2’పై ఆసక్తిగా ఎదురుచూస్తున్నారు. అయితే ‘లవ్ అండ్ వార్’ ఫస్ట్ లుక్ చూస్తే అంతకంటే ముందే రణబీర్ మరో డిఫరెంట్ మాస్ లుక్తో కనిపించబోతున్నట్లు తెలుస్తోంది.
ఫస్ట్ లుక్లో చేతికి గాయంతో, సీరియస్ ఎక్స్ప్రెషన్తో కార్ డ్రైవ్ చేస్తూ రణబీర్ కనిపించారు. ఆయన బాడీ లాంగ్వేజ్, లుక్, యాటిట్యూడ్ సినిమాపై ఆసక్తిని పెంచుతున్నాయి. భన్సాలీ ఇప్పటివరకు తెరకెక్కించిన పీరియాడిక్, హిస్టారికల్ చిత్రాలకు భిన్నంగా ఈ ప్రాజెక్ట్లో కొత్త టోన్ను ప్రయత్నిస్తున్నారనే అభిప్రాయాలు వ్యక్తమవుతున్నాయి.
స్టార్ కాంబినేషన్తో భారీ అంచనాలు
‘లవ్ అండ్ వార్’లో రణబీర్ కపూర్తో పాటు ఆలియా భట్, విక్కీ కౌశల్ తదితరులు నటిస్తున్నారు. భన్సాలీ దర్శకత్వం వహిస్తున్న ఈ చిత్రంపై బాలీవుడ్లో ఇప్పటికే భారీ అంచనాలు ఉన్నాయి.
తాజా ఫస్ట్ లుక్తో సినిమాకు సంబంధించిన చర్చ మరింత పెరిగింది. ‘యానిమల్ 2’ కంటే ముందే రణబీర్ను మరోసారి పవర్ఫుల్, మాస్ షేడ్స్లో చూడబోతున్నామనే ఆసక్తి అభిమానుల్లో కనిపిస్తోంది. ఈ సినిమా వచ్చే ఏడాది జనవరి 21న ప్రేక్షకుల ముందుకు రానున్నట్లు మేకర్స్ ప్రకటించారు.