ముంబైలో క్రూయిజ్ షిప్‌లో నిషేధిత డ్రగ్స్ స్వాధీనం చేసుకున్న కేసులో బాలీవుడ్ సూపర్‌స్టార్ షారుక్‌ కుమారుడు ఆర్యన్ ఖాన్‌తో పాటు మరో ఏడుగురు అరస్టయిన విషయం తెలిసిందే. గురువారం జరిగిన బెయిల్‌ పిటిషన్‌ విచారణ అనంతరం కస్టడీని 14 రోజులకు పొడిగించిన ముంబై కోర్టు, ఈ కేసును స్పెషల్ ఎన్‌డీపీఎస్ కోర్టుకి అప్పగించింది. దీంతో శుక్రవారం మరోసారి అతని బెయిల్‌ పిటిషన్‌పై విచారణ జరగనుంది.
ఈ నేపథ్యంలో ఎంతోమంది సోషల్‌ మీడియాలో ఆర్యన్‌కి మద్దతు తెలుపుతున్నారు.ఈ కేసు విషయమై ఇప్పటికే పలువురు బాలీవుడ్ ప్రముఖులు, అభిమానులు షారుక్‌ ఫ్యామిలీకి సపోర్టుగా నిలిచారు. కాగా అతని దగ్గర డ్రగ్స్ దొరకలేదు. అతను డ్రగ్స్ తీసుకోలేదు అయినా ఇప్పటికీ జైలులో ఉంచడం కరెక్ట కాదంటూ సోషల్‌ మీడియాలో పోస్ట్‌లు పెడుతున్నారు.