పాన్ ఇండియా స్టార్ ప్రభాస్ హీరోగా, సెన్సేషనల్ డైరెక్టర్ సందీప్ రెడ్డి వంగా తెరకెక్కిస్తున్న భారీ యాక్షన్ ఎంటర్టైనర్ ‘స్పిరిట్’ (Spirit) కోసం అభిమానులు ఎంతగానో ఎదురుచూస్తున్నారు. ఈ సినిమాలో ప్రభాస్ ఓ రూత్లెస్ కాప్ పాత్రలో కనిపించనున్నాడు. ఇప్పటివరకు చూడని విధంగా ఆయన క్యారెక్టర్ ఉండబోతుందనే టాక్ అభిమానుల్లో మరింత ఆసక్తిని పెంచుతోంది.
ప్రస్తుతం ఈ సినిమా షూటింగ్ శరవేగంగా కొనసాగుతుండగా, తాజాగా ఓ ఇంట్రెస్టింగ్ అప్డేట్ సినీ వర్గాల్లో వైరల్ అవుతోంది. సినిమాలోని కీలక సన్నివేశాల కోసం ప్రస్తుతం ఓ థియేటర్లో షూటింగ్ నిర్వహిస్తున్నట్లు సమాచారం. హీరో ఒక సినిమా థియేటర్కు వచ్చే సీన్ను తెరకెక్కిస్తున్నారట. ఇందుకోసం విమల్ థియేటర్లో ప్రత్యేకంగా షూటింగ్ జరుగుతోందని తెలుస్తోంది.
అంతేకాకుండా, ఈ షూట్లో భారీ సంఖ్యలో జనం కూడా పాల్గొంటున్నట్లు సమాచారం. సందీప్ రెడ్డి వంగా తన మార్క్ మాస్ ఎలిమెంట్స్తో ఈ సినిమాను తెరకెక్కిస్తుండటంతో ‘స్పిరిట్’పై అంచనాలు రోజురోజుకీ పెరుగుతున్నాయి. ఇక ఈ చిత్రంలో త్రిప్తి డిమ్రి హీరోయిన్గా నటిస్తుండగా, వివేక్ ఒబెరాయ్ ప్రతినాయకుడి పాత్రలో కనిపించనున్నాడు.