కోలీవుడ్ స్టార్ హీరో సూర్యకు ఈ ఏడాది మంచి ఫలితాలు దక్కుతున్నాయి. ఆయన నటించిన రెండు సినిమాలు వరుసగా ప్రేక్షకుల ముందుకు వచ్చి మంచి విజయాలను అందుకున్నాయి. అందులో భాగంగా సూర్య, త్రిష జంటగా దర్శకుడు ఆర్జే బాలాజీ తెరకెక్కించిన ‘వీర భద్రుడు’ Veera Bhadrudu ఈ ఏడాది ప్రారంభంలో విడుదలై మంచి విజయాన్ని అందుకుంది.
విభిన్నమైన కథ, సూర్య నటనతో తెరకెక్కిన ఈ సినిమా తమిళనాడులో మంచి వసూళ్లు సాధించింది. అంతేకాకుండా తెలుగులోనూ ప్రేక్షకుల నుంచి స్పందన అందుకుని సూర్య మార్కెట్కు మరింత బలం చేకూర్చిన చిత్రంగా నిలిచింది.
ఇక థియేట్రికల్ రన్ను పూర్తి చేసుకున్న ఈ సినిమా ఇప్పుడు బుల్లితెరపై సందడి చేసేందుకు సిద్ధమైంది. ‘వీర భద్రుడు’ తెలుగు శాటిలైట్ హక్కులను జీ తెలుగు సొంతం చేసుకుంది. తాజాగా వరల్డ్ టెలివిజన్ ప్రీమియర్కు సంబంధించిన తేదీ, సమయాన్ని ఛానల్ అధికారికంగా ప్రకటించింది.
సెప్టెంబర్ 27న సాయంత్రం 6 గంటలకు ‘వీర భద్రుడు’ చిత్రాన్ని జీ తెలుగులో ప్రసారం చేయనున్నట్లు వెల్లడించారు. దీంతో థియేటర్లలో సినిమాను మిస్ అయిన తెలుగు ప్రేక్షకులు మరోసారి ఈ చిత్రాన్ని టీవీలో వీక్షించే అవకాశం దక్కనుంది.
బుల్లితెరపై సూర్య సినిమాలకు ఉండే క్రేజ్ నేపథ్యంలో ‘వీర భద్రుడు’ టెలివిజన్ ప్రీమియర్కు ఎలాంటి స్పందన వస్తుందనేది ఆసక్తిగా మారింది. సినిమా ఇప్పటికే థియేటర్లలో ప్రేక్షకులను అలరించడంతో టీవీ ఆడియెన్స్ నుంచి ఎలాంటి ఆదరణ లభిస్తుందో చూడాలి.
ఈ చిత్రానికి సాయి అభ్యంకర్ సంగీతం అందించగా, డ్రీమ్ వారియర్ పిక్చర్స్ సంస్థ నిర్మాణ బాధ్యతలు చేపట్టింది. ప్రస్తుతం వరల్డ్ టెలివిజన్ ప్రీమియర్ డేట్ ఖరారు కావడంతో సూర్య అభిమానుల్లో మరోసారి సందడి మొదలైంది.