యూట్యూబ్‌లో శృంగార తారగా కుర్రకారుకు హీటెక్కించి, తెలుగు సన్నీ లియోన్‌గా పేరు తెచ్చుకుంది స్వాతి నాయుడు. గతంలో పోర్న్ మూవీస్‌లో నటించడానికి కూడా సిద్ధమంటూ ప్రకటించిన స్వాతి యూట్యూబ్ ఎక్కువగా వాడేవారికి ఎంతో సుపరిచితమైన వ్యక్తి అని చెప్పుకోవచ్చు. ఈవిడ వివాహం విజయవాడలో వైభవంగా జరిగింది. ఈ వార్తను చాలామంది నెటిజన్లు నమ్మకపోవడంతో స్వయంగా ఆమే ఓ ఛానెల్‌కు ఇంటర్వ్యూ ఇస్తూ తన పెళ్లి వివరాలను వెల్లడించి, తన భర్త మరియు బంధువులను పరిచయం చేసింది. తన భర్త పేరు అవినాష్ అని, తామిద్దరికీ ఫిబ్రవరి 23వ తేదీ అర్థరాత్రి 12.19 గంటలకు పెద్ద సమక్షంలో వివాహం జరిగిందని వెల్లడించింది. వివాహం అనంతరం తన కుటుంబ సభ్యులతో కలిసి తీసుకున్న ఫోటోలను షేర్ చేసింది. కొత్త జీవితాన్ని ప్రారంభిస్తున్న తనకు అందరి ఆశీస్సులు కావాలని కోరింది. సినీ రంగంలో నటిగా ఎదగాలనే కోరికతో హైదరాబాద్ వచ్చిన స్వాతికి వెండితెరలో, బుల్లితెరలో ఎక్కడా అవకాశాలు రాలేదు. తర్వాత యూట్యూబ్‌ను ఎంచుకుని అందులో తనకంటూ ఓ గుర్తింపు తెచ్చుకున్న స్వాతి పెళ్లయ్యాక కూడా వినోదం అందిస్తుందో లేదో చూడాలి మరి.
