నాచురల్ స్టార్ నాని, దర్శకుడు శ్రీకాంత్ ఓదెల కాంబినేషన్లో వచ్చిన రెండో చిత్రం ‘ది ప్యారడైజ్’ The Paradise భారీ అంచనాల మధ్య ప్రేక్షకుల ముందుకు వచ్చింది. విడుదలైన తొలి రోజే బాక్సాఫీస్ వద్ద సెన్సేషన్ క్రియేట్ చేసిన ఈ సినిమా నాని కెరీర్లోనే భారీ ఓపెనింగ్ను నమోదు చేసింది.
ప్రపంచవ్యాప్తంగా కూడా ఈ సినిమా మంచి వసూళ్లతో దూసుకెళ్తోంది. ముఖ్యంగా తెలుగు రాష్ట్రాల్లోని కీలకమైన నైజాం మార్కెట్లో ‘ది ప్యారడైజ్’కు బలమైన స్పందన లభిస్తోంది. తొలి రోజు ప్రీమియర్స్తో కలిపి నైజాంలో రూ.13 కోట్లకు పైగా షేర్ సాధించినట్లు సమాచారం.
ఇక రెండో రోజు వర్కింగ్ డే కావడంతో పాటు గణేష్ నిమజ్జనం వంటి కీలక కార్యక్రమాలు ఉండటంతో వసూళ్లపై కొంత ప్రభావం పడుతుందని అంచనాలు వ్యక్తమయ్యాయి. అయితే అందుకు భిన్నంగా ‘ది ప్యారడైజ్’ రెండో రోజు కూడా నైజాంలో సాలిడ్ నంబర్స్ నమోదు చేసినట్లు తెలుస్తోంది.
పీఆర్ఓ వర్గాల సమాచారం ప్రకారం, సినిమా రెండో రోజు నైజాంలో రూ.5 కోట్లకు పైగా షేర్ రాబట్టినట్లు తెలుస్తోంది. దీంతో రెండు రోజుల్లోనే నైజాం మార్కెట్లో రూ.18 కోట్లకు పైగా షేర్ను అందుకున్నట్లు సమాచారం. ఇది సినిమాకు ఉన్న క్రేజ్ను మరోసారి చూపిస్తోందని ట్రేడ్ వర్గాలు చెబుతున్నాయి.
ఇక వీకెండ్ కావడంతో శని, ఆదివారాల్లో ‘ది ప్యారడైజ్’ వసూళ్లు మరింత పెరిగే అవకాశం ఉంది. వీకెండ్లో థియేటర్ల ఆక్యుపెన్సీ, ప్రేక్షకుల స్పందన ఎలా ఉంటుందనేది ఇప్పుడు ఆసక్తికరంగా మారింది.
నాని, శ్రీకాంత్ ఓదెల కాంబినేషన్లో తెరకెక్కిన ఈ చిత్రానికి అనిరుధ్ రవిచందర్ సంగీతం అందించారు. ఎస్ఎల్వీ సినిమాస్ బ్యానర్పై ఈ సినిమాను నిర్మించారు. నైజాంలో ఇప్పటికే బలమైన వసూళ్లు నమోదు చేస్తున్న ‘ది ప్యారడైజ్’ వీకెండ్లో ఎలాంటి నంబర్స్ సాధిస్తుందో చూడాలి.
