తెలుగు బుల్లితెర రంగంలో అతి తక్కువ కాలం టెలికాస్ట్ అయ్యే అత్యంత పాపులారిటీని సొంతం చేసుకున్న బిగ్గెస్ట్ రియాలిటీ షో ఏదన్నా ఉంది అంటే అది “బిగ్ బాస్” అని చెప్పాలి.స్టార్ మా ఛానెల్లో ప్రసారం అయ్యే ఈ షో ఇప్పటి వరకు మూడు సీజన్లను పూర్తి చేసుకుంది.అయితే ఈ మూడింటిలో ఇటీవలే చేసిన సీజన్ 3 మాత్రం రికార్డు స్థాయి టీఆర్పీలను నెలకొల్పింది.దీనికి కింగ్ నాగార్జున ఒక కారణం కావడమే కాకుండా బాగా తెలిసిన కంటెస్టెంట్స్ కూడా ఉండడం మరో ప్లస్ పాయింట్ అని చెప్పాలి.
అయితే ఈ సీజన్ ద్వారా మంచి పాజిటివ్ ఒపీనియన్ తెచ్చుకున్న కంటెస్టెంట్ ఎవరన్నా ఉన్నారు అంటే అది వరుణ్ సందేశ్ అని చెప్పాలి. ఈ షో ద్వారా వరుణ్ మరియు అతని భార్య వితికాలకు మంచి పేరు వచ్చింది.అయితే బిగ్ బాస్ 3 అయ్యాక వీరిద్దరూ మిగతా కంటెస్టెంట్స్ తో పోల్చుకుంటే బయట పెద్దగా కనిపించింది లేదు.కానీ ఈసారి ఈ ఇద్దరూ ఈటీవీలో ప్రసారం అయ్యే “ఆలీతో సరదాగా” షోకు వచ్చే వారం టెలికాస్ట్ కాబోయే ఎపిసోడ్ గెస్టులుగా వచ్చారు.
అయితే ఈ ప్రోమోలో ఆలీ మంచి ఆసక్తికరమైన ప్రశ్నలే వీరిద్దరినీ అడిగారు.వాటిలో వితిక కానట్లయితే ఏ హీరోయిన్ ను పెళ్లి చేసుకుంటావ్ అని వరుణ్ అడగ్గా వితికా కానట్లయితే తనకి హీరోయిన్ ఇలియానా అంటే చాలా ఇష్టమని తన మనసులో మాట చెప్పేసాడు.అంటే పెళ్లి చేసుకుంటాను అన్న మాట అనలేదు కానీ ఇలియానా అంటే ఇష్టం అని చెప్పేసాడు.మరి ఆ తర్వాత ఏమన్నాడో తెలియాలి అంటే వచ్చే ఫిబ్రవరి 10 సోమవారం ఈ ఎపిసోడ్ ను మిస్సవకుండా చూడాల్సిందే.