మెగాస్టార్ చిరంజీవి, దర్శకుడు వశిష్ఠ కాంబినేషన్లో తెరకెక్కుతున్న సోషియో ఫాంటసీ చిత్రం ‘విశ్వంభర’ Vishwambhara కోసం మెగా అభిమానులు ఎంతో ఆసక్తిగా ఎదురుచూస్తున్నారు. ఇప్పటికే పలుమార్లు వాయిదా పడిన ఈ సినిమాను 2027 సంక్రాంతి బరిలో విడుదల చేయాలని చిత్రబృందం భావిస్తున్నట్లు గతంలో వార్తలు వచ్చాయి. అయితే తాజాగా వచ్చిన మరో అప్డేట్తో ‘విశ్వంభర’ రిలీజ్పై మళ్లీ సందిగ్ధత నెలకొంది.
మెగాస్టార్ చిరంజీవి, దర్శకుడు బాబీ కొల్లి కాంబినేషన్లో తెరకెక్కుతున్న అవుట్ అండ్ అవుట్ మాస్ యాక్షన్ ఎంటర్టైనర్ ‘కాకా’ను 2027 జనవరి 13న ప్రపంచవ్యాప్తంగా థియేటర్లలో విడుదల చేయనున్నట్లు కేవీఎన్ ప్రొడక్షన్స్ మరోసారి అధికారికంగా ప్రకటించింది. ఎలాంటి వాయిదా లేకుండా అనుకున్న తేదీకే సినిమాను ప్రేక్షకుల ముందుకు తీసుకురానున్నట్లు స్పష్టం చేస్తూ, త్వరలో ఫస్ట్ సింగిల్ను విడుదల చేయనున్నట్లు కూడా వెల్లడించింది.
దీంతో ‘కాకా’ సంక్రాంతి రిలీజ్పై స్పష్టత వచ్చింది. మరోవైపు ‘విశ్వంభర’ను జనవరి 9న విడుదల చేయవచ్చనే ప్రచారం గత కొంతకాలంగా జరుగుతోంది. అయితే ఈ తేదీపై ఇప్పటివరకు చిత్రబృందం నుంచి అధికారిక ప్రకటన రాలేదు. ఇదే సమయంలో ఈ సినిమా డిజిటల్ హక్కులను అమెజాన్ ప్రైమ్ భారీ మొత్తానికి దక్కించుకున్నట్లు సమాచారం.
ఇప్పుడు ‘కాకా’ రిలీజ్ డేట్ను మరోసారి అధికారికంగా ఖరారు చేయడంతో ‘విశ్వంభర’ విడుదలపై ఆసక్తి మరింత పెరిగింది. ఇప్పటికే పలు కారణాలతో వాయిదా పడుతూ వచ్చిన ఈ చిత్రాన్ని 2027 సంక్రాంతి సీజన్లో ఎలాగైనా ప్రేక్షకుల ముందుకు తీసుకురావాలని దర్శకుడు వశిష్ఠ, ఆయన టీమ్ ప్రయత్నిస్తున్నట్లు తెలుస్తోంది.
అయితే ‘కాకా’ జనవరి 13న విడుదల కానున్న నేపథ్యంలో ‘విశ్వంభర’కు సరైన రిలీజ్ డేట్ను ఎంపిక చేయడం ఇప్పుడు కీలకంగా మారింది. దీంతో చిత్రబృందం మరో తేదీని పరిశీలిస్తున్నట్లు టాలీవుడ్ వర్గాల్లో చర్చ జరుగుతోంది.
మరి ‘విశ్వంభర’ నిజంగానే 2027 సంక్రాంతి రేసు నుంచి తప్పుకుంటుందా? లేక మరో తేదీతో బరిలోకి దిగుతుందా? అనే విషయంలో ఇంకా అధికారిక స్పష్టత రావాల్సి ఉంది. దర్శకుడు వశిష్ఠ టీమ్ నుంచి వచ్చే తదుపరి ప్రకటనతో ఈ సస్పెన్స్కు తెరపడే అవకాశం ఉంది.
