Aakasamlo Oka Tara: ‘ఆకాశంలో ఒక తార’ విడుదలకు ముందు దర్శకుడు పవన్ ఎమోషనల్ నోట్!

‘ఆకాశంలో ఒక తార’ విడుదలకు ముందు దర్శకుడు పవన్ సాధినేని ఎమోషనల్ నోట్!
‘ఆకాశంలో ఒక తార’ విడుదలకు ముందు దర్శకుడు పవన్ సాధినేని ఎమోషనల్ నోట్!

ఈ వారం ప్రేక్షకుల ముందుకు రాబోతున్న ఆసక్తికరమైన చిత్రాల్లో దుల్కర్ సల్మాన్ హీరోగా నటించిన ‘ఆకాశంలో ఒక తార’ Aakasamlo Oka Tara ఒకటి. సాత్విక వీరవల్లి హీరోయిన్‌గా నటించిన ఈ సినిమాకు పవన్ సాధినేని దర్శకత్వం వహించారు. ట్రైలర్‌తో మంచి అంచనాలను సొంతం చేసుకున్న ఈ ఎమోషనల్ ఎంటర్‌టైనర్ విడుదలకు సిద్ధమవుతున్న వేళ దర్శకుడు పవన్ సాధినేని సోషల్ మీడియా వేదికగా ఓ భావోద్వేగపూరితమైన నోట్‌ను పంచుకున్నారు.

13 ఏళ్ల ఎమోషనల్ జర్నీ!

‘ఆకాశంలో ఒక తార’ తనకు కేవలం సినిమా మాత్రమే కాదని, దాదాపు 13 ఏళ్లుగా సాగిన భావోద్వేగ ప్రయాణమని పవన్ సాధినేని పేర్కొన్నారు. ప్రతిరోజూ, ప్రతి గంట ఈ సినిమా గురించే ఆలోచిస్తూ ఎంతో కష్టపడ్డానని తెలిపారు. ఈ చిత్రాన్ని ప్రారంభించినప్పటి నుంచి గత ఆరేళ్లుగా ఒక పసిబిడ్డను పెంచినట్టుగా ఎంతో జాగ్రత్తగా తీర్చిదిద్దుకుంటూ వచ్చానని తన అనుభవాన్ని పంచుకున్నారు.

తనలో మార్పు తీసుకొచ్చిన సినిమా!

ఈ ప్రయాణం తనను ఎంతగానో మార్చిందని, తనలో వినయాన్ని పెంచిందని దర్శకుడు పేర్కొన్నారు. ఇన్నాళ్లుగా తన మనసుకు దగ్గరగా ఉంచుకున్న కథను ఇప్పుడు ప్రేక్షకులకు అందిస్తున్నానని తెలిపారు. ఈ నెల 20న విడుదల కానున్న ‘ఆకాశంలో ఒక తార’ ప్రేక్షకుల హృదయాల్లో ప్రత్యేక స్థానాన్ని సంపాదించుకుంటుందని ఆశాభావం వ్యక్తం చేశారు.

విడుదలకు ముందు దర్శకుడు పంచుకున్న ఈ ఎమోషనల్ నోట్ ఇప్పుడు సోషల్ మీడియాలో ఆసక్తిని రేకెత్తిస్తోంది. స్వప్న సినిమాస్, గీతా ఆర్ట్స్ సంయుక్తంగా నిర్మించిన ఈ చిత్రం ప్రేక్షకులను ఏ స్థాయిలో మెప్పిస్తుందో చూడాలి.

Aakasamlo Oka Tara: ‘ఆకాశంలో ఒక తార’ విడుదలకు ముందు దర్శకుడు పవన్ ఎమోషనల్ నోట్! - Telugu Bullet