భాగ్యనగరంలో మందుబాబులకు బ్యాడ్ న్యూస్. హైదరాబాద్‌లో మూడు రోజులు పాటు పూర్తిగా మందు బంద్ అవనుంది. రానున్న మూడు రోజుల పాటు మద్యం దుకాణాలు మూసివేయాలని పోలీసులు ఆదేశించారు. జులై 29 ఉదయం 6 గంటల నుంచి జులై 31 వరకు నగరంలో శ్రీ ఉజ్జయిని మహాంకాళి జాతర వేడుకలు జరగనున్నాయి. ఈ నేపథ్యంలో పలు ప్రాంతాల్లో మద్యం విక్రయాలు జరపకూడదని పోలీసులు ఆంక్షలు విధించారు.
అయితే అందులో స్టార్ హోటళ్లలోని బార్‌లు, క్లబ్‌లను మినహాయించారు. సెంట్రల్, నార్త్ జోన్లలోని చిలకలగూడ, గోపాలపురం, లాలాగూడ, మహంకాలి, తుకారంగేట్, కార్ఖానా, మారేడ్‌పల్లి, బేగంపేట్, రాంగోపాల్‌పేట్, గాంధీనగర్ తదితర ప్రాంతాల్లో మద్యం దుకాణాలు ఆదివారం నుంచి మూసి ఉంటాయని ఒక ప్రకటనలో పోలీసులు తెలిపారు.
