చాకోలెట్స్‌తో ఆరోగ్య ప్రయోజనాలు

చాకోలెట్స్‌తో ఆరోగ్య ప్రయోజనాలు

డైటీషియన్ చాక్లెట్ చాలా రుచికరమైన ఆహార పదార్ధం అని మరియు దీనిని తినడం వల్ల హాని కలగదు అని చెప్పారు. వరల్డ్ బ్యూటీ డైవర్సిటీస్ లో ఉంటే చాక్లెట్ యొక్క బ్యూటీ వాటి రుచుల లో ఉన్నాయి. ఆ విభిన్న రుచులే చాక్లేట్స్ లో రకాలు. అవే డార్క్, మిల్క్ మరియు వైట్. విభిన్నమైన పేర్లే కాదు వాటి రుచులు కూడా విభిన్నంగా ఉంటాయి

సహజంగా డార్క్ చాక్లెట్ ని కోకో కాంపౌండ్‌తో తయారు చేస్తారు. కోకో కాంపౌండ్‌తో పాటు చక్కెర, కోకో బట్టర్ వంటివి ఉంటాయి. నిజానికి డార్క్ చాక్లెట్‌లో ఎటువంటి పాలను ఉపయోగించరు. ఒకవేళ ఉపయోగించినా చాలా తక్కువ మోతాదులోనే కలుపుతారు. డార్క్ చాక్లెట్ యొక్క రుచి తీపితో పాటు కొంచెం చేదుగా ఉంటుంది.

మిల్క్ చాక్లెట్ డార్క్ చాక్లెట్‌కు వ్యతిరేకంగా ఉంటుంది. మిల్క్ చాక్లెట్‌లో లీటర్ల కొద్దీ పాలను ఉపయోగిస్తారు. పాలతో పాటు చక్కెర, డైరీ ఫ్యాట్ మరియు కోకో ప్రొడక్ట్స్ ఉపయోగిస్తారు. ఈ కోకో ప్రొడక్ట్స్ ఉపయోగించడం వల్ల చాలా చాక్లెట్ మృదువుగా ఉంటుంది. డార్క్ చాక్లెట్‌లో ఉన్నంత చేదు మిల్క్ చాక్లెట్‌లో ఉండదు. మిల్క్ చాక్లెట్ యొక్క రుచి చాలా తీపిగానే ఉంటుంది.

వైట్ చాక్లెట్‌లో కోకో ప్రొడక్ట్స్ ని ఉపయోగించరు. కేవలం పాలు, చక్కెర మరియు కోకో బటర్ ను ఉపయోగిస్తారు. కోకో బటర్ ను మాత్రమే ఉపయోగించి కోకో ప్రొడక్ట్స్ ను ఉపయోగించకపోవడంతో పాలు రంగు అంటే తెలుపు రంగు లోనే చాక్లెట్ ఉంటుంది. అందుకే దీన్ని వైట్ చాక్లెట్ అంటారు. వైట్ చాక్లెట్ కూడా తీయగానే ఉంటుంది.

రుచి గురించి పక్కన పెట్టి న్యూట్రీషియన్స్ గురించి మాట్లాడితే వైట్ చాక్లెట్ మరియు మిల్క్ చాక్లెట్ కంటే డార్క్ చాక్లెట్ హెల్థీ ఛాయిస్ అనే చెప్పాలి. డార్క్ చాక్లెట్ లో అయితే 60 శాతం వరకు కోకో ఉపయోగించినవి మంచివి. ఎందుకంటే కోకో లో అధికంగా యాంటీ ఆక్సిడెంట్స్ ఉంటాయి మరియు యాంటీ ఆక్సిడెంట్స్ వల్ల ఫ్రీ రాడికల్స్ ను చంపడానికి, ఆక్సిడేటివ్ స్ట్రెస్‌ను తగ్గించడానికి ఉపయోగపడతాయి.

డార్క్ చాక్లెట్‌లో యాంటీఆక్సిడెంట్స్ తో పాటు ఐరన్, జింక్ మరియు మెగ్నీషియం కూడా ఉన్నాయి. కొన్ని అధ్యయనాల ప్రకారం కార్డియో వాస్క్యులర్ సంబంధిత వ్యాధులతో బాధపడే వారు డార్క్ చాక్లెట్లు తినడం వల్ల చాలా ప్రయోజనాలు ఉంటాయి అని తేలింది. డార్క్ చాక్లెట్‌లో ఉండేటువంటి యాంటీ ఆక్సిడెంట్స్ వలన శరీరం లో నైట్రిక్ ఆక్సైడ్ ఉత్పత్తి అవుతుంది.

మరియు ఈ నైట్రిక్ ఆక్సైడ్ బ్లడ్ వెజల్స్ డైలేట్ అవ్వడానికి సహాయపడుతుంది. దాంతో రక్త ప్రవాహం పెరిగి హై బీపీ తగ్గుతుంది. చూసారు కదా చాకోలెట్స్‌తో కూడా మనం ఎన్ని ఆరోగ్య ప్రయోజనాలని పొందవచ్చో. పైగా అప్పుడప్పుడు తీసుకుంటే ఏ నష్టం ఉండదు. కానీ అతిగా తినద్దు. కేవలం ఇదే కాదు ఏది అతిగా తిన్నా ఇబ్బందులు వస్తాయి.