బిగ్ బాస్ సందడి ఎలా ఉంటుందో ప్రత్యేకంగా చెప్పాల్సిన పని లేదు. ఎప్పుడూ ట్రెండింగ్‌లో ఉండే బిగ్ బాస్ టాపిక్.. ఇప్పుడు మరింత రచ్చగా మారింది. నాల్గో సీజన్ ముగిసి ఇన్ని రోజులు అవుతున్నా కూడా కంటెస్టెంట్ల హడావిడి తగ్గడం లేదు. కరోనాతో వచ్చిన గ్యాప్ వల్ల ఐదో సీజన్ల రచ్చ ఇంకా మొదలవ్వలేదు. అలా కాస్త ఆలస్యంగా మొదలుకాబోతోన్న ఈ ఐదో సీజన్ ఇప్పుడు హాట్ టాపిక్ అవుతోంది. మూడు నాలుగు రోజులు క్రితం ఐదో సీజన్ లోగోను స్టార్ మా వదిలింది. అప్పటి నుంచి లీకువీరులు రెచ్చిపోతోన్నారు.
కంటెస్టెంట్ల లిస్ట్‌లో కొత్త కొత్త పేర్లను చేర్చుతూ లీకులు వదులుతున్నారు.అయితే తాజాగా వినిపిస్తున్న సమాచారం మేరకు కొంత మంది ఈ లిస్ట్లోకి వచ్చారు. దాదాపు వీరంతా కూడా కన్ఫామ్ అయినట్టు తెలుస్తోంది. ప్రోమో షూట్లు కూడా జరుగుతున్నట్టు తెలుస్తోంది. కంటెస్టెంట్ల జర్నీ వీడియోలు కూడా రెడీ అవుతున్నాయట. ఇక నాగార్జున కూడా ప్రోమో షూటింగ్‌లతో బిజీగానే ఉన్నాడని తెలుస్తోంది. ఇలా మొత్తానికి బిగ్ బాస్ సందడి మాత్రం సోషల్ మీడియాలో కనిపిస్తోంది.
ఇంత వరకు యాంకర్ వర్షిణి, రవి, సిరి హన్మంత్, నవ్యస్వామి వంటి వారు కన్ఫామ్ అయినట్టు వార్తలు వచ్చాయి. తాజాగా వినిపిస్తున్న లిస్ట్‌లోనూ వీరున్నారు. అయితే కొత్తగా కొన్ని పేర్లు వచ్చాయి. వారి పేర్లు చూస్తే ఎవ్వరైనా షాక్ అవ్వాల్సిందే. కళ్యాణ వైభోగం సీరియల్ ఫేమ్ సన్నీ, సీనియర్ హీరోయిన్ నటి అయిన ప్రియా రామన్, హీరోయిన్ ఇషా చావ్లా, బుల్లితెర వెండితెర నటి ప్రియ, ట్రాన్స్ జెండర్ కేటగిరీలో ప్రియాంక సింగ్‌ను దించబోతోన్నారట.
సోషల్ మీడియా విభాగం నుంచి చాలా మంది పేర్లు వినిపిస్తున్నాయి. గత సీజన్లను తన స్టైల్లో రివ్యూ చేసిన ఆర్జే కాజల్ ఈ ఐదో సీజన్‌లో కనిపించబోతోన్నారట. లోబో సైతం రాబోతోన్నట్టు టాక్. యూట్యూబర్ నిఖిల్ కూడా వచ్చే అవకాశాలున్నాయట. అంతే కాకుండా ఓ మోడల్‌ను కూడా రంగంలోకి దించుతున్నారట. డ్యాన్సర్ క్యాటగిరీలో యానీ మాస్టర్‌ను రెడీ చేశారట.
అలా మొత్తానికి ఈ సారి భారీ లిస్ట్‌ను ప్రిపేర్ చేశారని టాక్. అయితే ఇందులో ఒక్క షణ్ముఖ్ జశ్వంత్ మాత్రం ఏదీ కూడా క్లారిటీగా చెప్పడం లేదట. ఇంకో వారం టైం ఇవ్వమని అడిగాడని టాక్. ఇతగాడు ఓ సారి వస్తాడని, రావడం లేదనే టాక్ ఎక్కువగా వినిపిస్తోంది. కానీ ఇంకో వారంలో ఫైనల్ అవుతుందని తెలుస్తోంది. సెప్టెంబర్ మొదటి వారంలో షో ప్రారంభం అవుతుందని టాక్. నాగార్జున హోస్ట్‌గా, అరియానా బిగ్ బాస్ బజ్ హోస్ట్‌గా వ్యవహరించబోతోన్నారన్న సంగతి తెలిసిందే.