నేచురల్ స్టార్ నాని నటించిన ది ప్యారడైజ్ ఆయన కెరీర్‌లో భారీ ఓపెనింగ్స్ సాధించిన చిత్రంగా నిలిచింది. ఈ సినిమా తర్వాత ఎక్కువ విరామం తీసుకోకుండా మరో ఆసక్తికరమైన ప్రాజెక్ట్‌తో ప్రేక్షకుల ముందుకు వచ్చేందుకు నాని సిద్ధమవుతున్నారు. యువ దర్శకుడు సుజీత్ దర్శకత్వంలో ఆయన నటించనున్న యాక్షన్ మూవీ ‘బ్లడీ రోమియో’ పై Bloody Romeo ఇప్పటికే మంచి అంచనాలు నెలకొన్నాయి.
ఈ సినిమాలో నాని విభిన్నమైన పాత్రలో కనిపించనున్నట్లు సమాచారం. చెఫ్‌గా కనిపిస్తూనే మరోవైపు గ్యాంగ్‌స్టర్‌గా కూడా ఆయన తనదైన శైలిలో అలరించనున్నారని ప్రచారం జరుగుతోంది. దీంతో ఈ సినిమా కోసం నాని కొత్త లుక్‌లోకి మారబోతున్నారనే ఆసక్తి అభిమానుల్లో పెరుగుతోంది.
తాజా సమాచారం ప్రకారం, ఈ సినిమా షూటింగ్‌ను అక్టోబర్ 16 లేదా 17 తేదీల్లో ప్రారంభించే అవకాశముందని తెలుస్తోంది. అయితే షూటింగ్ ప్రారంభ తేదీపై చిత్రబృందం నుంచి అధికారిక ప్రకటన రావాల్సి ఉంది. నాని గ్యాంగ్‌స్టర్ పాత్రలో ఎలా కనిపించబోతున్నారనే అంశం ఇప్పుడు అభిమానుల్లో ఆసక్తిని రేకెత్తిస్తోంది.
నిహారిక ఎంటర్‌టైన్‌మెంట్స్ నిర్మించనున్న ఈ చిత్రాన్ని వచ్చే ఏడాది విడుదల చేయాలని మేకర్స్ భావిస్తున్నట్లు సమాచారం. నాని, సుజీత్ కాంబినేషన్‌లో రాబోతున్న ఈ యాక్షన్ ఎంటర్‌టైనర్‌కు సంబంధించిన మరిన్ని వివరాలు త్వరలో వెల్లడయ్యే అవకాశం ఉంది.
