బిట్ కాయిన్ ధర నేలచూపులు చూసింది. ఈ క్రిప్టో కరెన్సీ ధర ఈరోజు పడిపోయింది. 1 శాతానికి పైగా దిగొచ్చింది. అయితే ఇతర క్రిప్టో కరెన్సీ రేట్లు మాత్రం మిశ్రమంగా కదిలాయి. గ్లోబల్ క్రిప్టోకరెన్సీ మార్కెట్ క్యాపిటలైజేషన్ ప్రస్తుతం 2.13 ట్రిలియన్ డాలర్లుగా ఉంది. గత 24 గంటల్లో 0.14 శాతం పెరిగింది.
బిట్ కాయిన్ ధర నిన్న 50 వేల డాలర్ల పైకి చేరిన విషయం తెలిసిందే. గత మూడు నెలల్లో చూస్తే ఇదే బిట్ కాయిన్ గరిష్ట స్థాయి. అయితే ఈరోజు బిట్ కాయిన్ ధర మళ్లీ 50 వేల డాలర్లలోపు పడిపోయింది. 49 వేల డాలర్లకు పైన కదలాడుతోంది.
ఇకపోతే బిట్ కాయిన్ ధర గత వారం రోజుల్లో 6 శాతం పెరిగింది. ఇక ఇథీరియమ్ 1 శాతానికి పైగా లాభపడింది. 3300 డాలర్ల వద్ద కదలాడుతోంది. ఇది రెండో అతిపెద్ద క్రిప్టో కరెన్సీ. ఇకపోతే కార్డానో అనేది ఇప్పుడు మూడో అతిపెద్ద క్రిప్టో కరెన్సీగా అవతరించింది.
కాగా పే పాల్ యూకేలో ఈ వారంలోనే క్రిప్టో కరెన్సీ సేవలు ప్రారంభిస్తామని ప్రకటించింది. యూకే ప్రజలు బిట్ కాయిన్‌ను కొనుగోలు చేయవచ్చని, అలాగే వాటిని విక్రయించొచ్చని పే పాల్ తెలిపింది. అలాగే కలిగి ఉండొచ్చని పేర్కొంది. బిట్ కాయిన్ సేవలు ఈ వారంలోనే ప్రారంభం అవుతాయని తెలిపింది.