మాస్ కా దాస్ విశ్వక్ సేన్ మరో విభిన్నమైన సినిమాతో ప్రేక్షకుల ముందుకు వచ్చేందుకు సిద్ధమవుతున్నాడు. కథ, దర్శకత్వ బాధ్యతలను స్వయంగా చేపడుతూ ఆయన రూపొందిస్తున్న తాజా చిత్రం ‘కల్ట్’ Cult. హారర్, థ్రిల్లర్ అంశాలను మిళితం చేస్తూ ఇప్పటివరకు చూడని తరహా కథతో ఈ సినిమాను తెరకెక్కిస్తున్నట్లు చిత్రబృందం ఇప్పటికే ప్రకటించింది.
విశ్వక్ సేన్ కెరీర్లో మరో ప్రత్యేకమైన ప్రాజెక్ట్గా రూపొందుతున్న ‘కల్ట్’పై ఇప్పటికే ఆసక్తి నెలకొంది. ముఖ్యంగా సినిమాకు ప్రముఖ సంగీత దర్శకుడు రవి బస్రూర్ సంగీతం అందిస్తుండటంతో అంచనాలు మరింత పెరిగాయి. విడుదలైన పోస్టర్లు, ఇతర ప్రమోషనల్ కంటెంట్ కూడా సినిమాపై క్యూరియాసిటీని పెంచుతున్నాయి.
ఇదిలా ఉంటే, ‘కల్ట్’ విడుదల తేదీకి సంబంధించి తాజాగా ఓ కీలక అప్డేట్ వచ్చింది. సినిమా రిలీజ్ డేట్ను సెప్టెంబర్ 19న అధికారికంగా ప్రకటించనున్నట్లు చిత్రబృందం సోషల్ మీడియా ద్వారా వెల్లడించింది.
దీంతో ‘కల్ట్’ ఎప్పుడు ప్రేక్షకుల ముందుకు రానుందనే విషయంపై రేపు పూర్తి స్పష్టత రానుంది. విశ్వక్ సేన్ మాస్ ఇమేజ్కు తగ్గ ఎలిమెంట్స్తో పాటు రవి బస్రూర్ అందించే సంగీతం, బ్యాక్గ్రౌండ్ స్కోర్ సినిమాకు ప్రత్యేక ఆకర్షణగా నిలుస్తాయని మేకర్స్ భావిస్తున్నారు.
మరి ఈ హారర్ థ్రిల్లర్ను ప్రేక్షకుల ముందుకు తీసుకొచ్చేందుకు చిత్రబృందం ఎలాంటి రిలీజ్ డేట్ను ఎంచుకుంది? అనే ఆసక్తి ఇప్పుడు అభిమానుల్లో నెలకొంది. దీనిపై అధికారిక ప్రకటన సెప్టెంబర్ 19న వెలువడనుంది.