మాస్ మహారాజ రవితేజ వరుస సినిమాలతో బిజీగా ఉన్నారు. ఇటీవల టైగర్ నాగేశ్వర రావు చిత్రం తో ఆడియెన్స్ ముందుకి వచ్చిన రవితేజ, ఇప్పుడు ఈగిల్ అంటూ సంక్రాంతి పండుగ సందర్భంగా జనవరి 13, 2024 లో థియేటర్ల లోకి రానున్నారు. ఈ చిత్రం కి సంబందించిన ప్రచార సినిమాలు రిలీజై ప్రేక్షకులను, అభిమానులని విశేషం గా ఆకట్టుకున్నాయి. ఈ సినిమా కి సంబందించిన టీజర్ ను మేకర్స్ రిలీజ్ చేయగా, సూపర్ రెస్పాన్స్ వస్తోంది.
ఈ టీజర్ యూ ట్యూబ్ లో ఇప్పుడు టాప్ లో ట్రెండ్ అవుతోంది. 7 మిలియన్స్ వ్యూస్ తో దూసుకు పోతుంది. కార్తిక్ ఘట్టమనేని దర్శకత్వం వహిస్తున్న ఈ చిత్రం లో కావ్య థాపర్, నవదీప్, శ్రీనివాస్ అవసరాల, అనుపమ పరమేశ్వరన్, మధుబాల, అజయ్ ఘోష్ తదితరులు కీలక పాత్రల్లో నటిస్తున్నారు. పీపుల్ మీడియా ఫ్యాక్టరీ బ్యానర్ పై నిర్మిస్తున్న ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.
