రెబల్ స్టార్ ప్రభాస్ హీరోగా, దర్శకుడు హను రాఘవపూడి తెరకెక్కిస్తున్న భారీ చిత్రం ‘ఫౌజీ’ (Fauzi) ప్రస్తుతం శరవేగంగా షూటింగ్ జరుపుకుంటోంది. మైత్రీ మూవీ మేకర్స్ నిర్మిస్తున్న ఈ సినిమా చిత్రీకరణ హైదరాబాద్లోని అల్యూమినియం ఫ్యాక్టరీలో జరుగుతోంది.
ఈ ప్రాజెక్ట్ కోసం ప్రభాస్ తన బల్క్ డేట్స్ను కేటాయించినట్లు తెలుస్తోంది. సెప్టెంబర్ నాటికి తనకు సంబంధించిన షూటింగ్ పూర్తి చేసి, తదుపరి ప్రాజెక్ట్పై దృష్టి పెట్టేలా మేకర్స్ షెడ్యూల్ను రూపొందించినట్లు సమాచారం.
షూటింగ్ను వేగంగా పూర్తి చేసేందుకు చిత్రబృందం ఏకంగా మూడు వేర్వేరు యూనిట్లను రంగంలోకి దించినట్లు తెలుస్తోంది. సమయం వృథా కాకుండా ఈ యూనిట్లు నిరంతరం పనిచేస్తుండగా, ప్రభాస్కు సంబంధించిన కీలక సన్నివేశాలను హను రాఘవపూడి స్వయంగా తెరకెక్కిస్తున్నారు. ఈ చిత్రంలో ఇమాన్వి కథానాయికగా నటిస్తోంది.
ఇదిలా ఉంటే, ‘ఫౌజీ’ డిజిటల్ స్ట్రీమింగ్ హక్కులను ప్రముఖ ఓటీటీ సంస్థ నెట్ఫ్లిక్స్ సొంతం చేసుకున్నట్లు సమాచారం. ఇప్పటికే మేకర్స్ డిసెంబర్ 3న సినిమాను ప్రేక్షకుల ముందుకు తీసుకురానున్నట్లు అధికారికంగా ప్రకటించారు.
ఈ నేపథ్యంలో నిర్ణయించిన విడుదల తేదీకి ఎలాంటి ఇబ్బంది లేకుండా షూటింగ్, పోస్ట్ ప్రొడక్షన్ పనులను పూర్తి చేసేందుకు చిత్రబృందం ఎలాంటి విరామం లేకుండా డే అండ్ నైట్ పనిచేస్తోంది. భారీ అంచనాల మధ్య తెరకెక్కుతున్న ‘ఫౌజీ’పై ప్రభాస్ అభిమానుల్లో ఇప్పటికే భారీ ఆసక్తి నెలకొంది.
