మెగాస్టార్ చిరంజీవి హీరోగా తనకు మంచి విజయాలు అందించిన దర్శకుడు కొల్లి బాబీతో కలిసి చేస్తున్న తాజా చిత్రంపై భారీ అంచనాలు నెలకొన్నాయి. చిరంజీవి కెరీర్లో ఇది 158వ (Mega 158) సినిమా కావడంతో ఈ ప్రాజెక్ట్పై మెగా అభిమానుల్లో ప్రత్యేక ఆసక్తి నెలకొంది.
ఇప్పటికే ఈ సినిమా షూటింగ్ శరవేగంగా కొనసాగుతోంది. ఈ నేపథ్యంలో అభిమానులకు మరో బిగ్ ట్రీట్ ఇచ్చేందుకు మేకర్స్ సిద్ధమవుతున్నట్లు తెలుస్తోంది. ఆగస్టు 22న చిరంజీవి పుట్టినరోజు సందర్భంగా టైటిల్ టీజర్తో పాటు సినిమా విడుదల తేదీని కూడా అధికారికంగా ప్రకటించే అవకాశం ఉందని సినీ వర్గాల్లో ప్రచారం జరుగుతోంది.
అయితే దీనిపై చిత్రబృందం నుంచి అధికారిక ప్రకటన రావాల్సి ఉంది. ఒకవేళ ఇదే నిజమైతే చిరంజీవి బర్త్డే సందర్భంగా మెగా అభిమానులకు డబుల్ ట్రీట్ ఖాయమైనట్లే.
ఈ చిత్రంలో అనస్వర రాజన్ చిరంజీవి కుమార్తె పాత్రలో నటిస్తున్నట్లు సమాచారం. థమన్ సంగీతం అందిస్తుండగా, కేవీఎన్ ప్రొడక్షన్స్ ఈ భారీ చిత్రాన్ని నిర్మిస్తోంది.
