మాస్ మహారాజా రవితేజ హీరోగా నటిస్తున్న ‘ఇరుముడి’ (Irumudi) సినిమాపై ప్రేక్షకుల్లో ఆసక్తి క్రమంగా పెరుగుతోంది. ముఖ్యంగా ఇటీవల విడుదలైన ట్రైలర్కు మంచి స్పందన రావడంతో సినిమాపై అంచనాలు పెరిగాయి. అదే సమయంలో అడ్వాన్స్ బుకింగ్స్ కూడా జోరందుకున్నాయి.
అయితే, కొంతకాలంగా సరైన విజయాన్ని అందుకోలేక వరుస పరాజయాలను ఎదుర్కొంటున్న రవితేజకు ‘ఇరుముడి’ విజయం చాలా కీలకంగా మారింది. ఇలాంటి సమయంలో సినిమాకు మరింత విస్తృతంగా ప్రచారం కల్పించాల్సిన అవసరం ఉందనే అభిప్రాయాలు వ్యక్తమవుతున్నాయి.
ప్రీ-రిలీజ్ ఈవెంట్లో పాల్గొనడంతో పాటు కేవలం ఒక ఇంటర్వ్యూకే పరిమితం కావడం సరిపోదని సినీ వర్గాలు భావిస్తున్నాయి. ప్రస్తుతం హీరోలు తమ సినిమాల ప్రమోషన్స్ కోసం వరుస ఇంటర్వ్యూలు ఇవ్వడమే కాకుండా, సోషల్ మీడియా ఇన్ఫ్లుయెన్సర్లతో ఇంటరాక్ట్ అవుతున్నారు. అలాగే పాడ్కాస్ట్లలో పాల్గొంటూ సినిమాను వివిధ వర్గాల ప్రేక్షకుల్లోకి తీసుకెళ్తున్నారు.
ఈ నేపథ్యంలో రవితేజ కూడా ప్రమోషన్స్లో మరింత దూకుడు పెంచితే ‘ఇరుముడి’ పై మరింత హైప్ క్రియేట్ అయ్యే అవకాశం ఉంది. ప్రీ-రిలీజ్ ఈవెంట్ తర్వాత ఆయన ప్రమోషన్స్కు దూరంగా ఉండటం మాత్రం అభిమానులను కొంత నిరాశకు గురిచేస్తోంది.
మైత్రీ మూవీ మేకర్స్ నిర్మిస్తున్న ఈ చిత్రానికి శివ నిర్వాణ దర్శకత్వం వహించారు. ఫ్యామిలీ ఎమోషన్స్, క్రైమ్ అంశాలతో తెరకెక్కిన ఈ చిత్రం ఆగస్టు 21న ప్రేక్షకుల ముందుకు రానుంది.
