ప్రస్తుతం ఇండియన్ సినిమాలో డివోషనల్ జానర్ చిత్రాలకు మంచి ఆదరణ లభిస్తోంది. కంటెంట్ బలంగా ఉంటే చిన్న సినిమాలు కూడా బాక్సాఫీస్ వద్ద ఊహించని స్థాయిలో సక్సెస్ సాధిస్తున్నాయి. తాజాగా ఈ ట్రెండ్కు ‘ఇరుముడి’, ‘హనుమాన్ అంశ్’ Irumudi & Hanuman Ansh సినిమాలు మంచి ఉదాహరణలుగా నిలుస్తున్నాయి.
ఇటీవల తెలుగులో వచ్చిన ‘ఇరుముడి’ సినిమాకు అయ్యప్ప స్వామి అంశం ప్రేక్షకుల్లో భారీ పాజిటివ్ బజ్ను తీసుకొచ్చింది. రవితేజ నటించిన ఈ చిత్రం విడుదల తర్వాత మంచి స్పందనను అందుకోవడంతో పాటు ఆయన కెరీర్లోనే ప్రత్యేకమైన విజయంగా నిలిచింది. ముఖ్యంగా సినిమాపై ప్రేక్షకుల్లో ఏర్పడిన ఎమోషనల్ కనెక్ట్ ఈ చిత్రానికి మరింత బలాన్ని ఇచ్చింది.
ఇదే తరహాలో బాలీవుడ్లో కూడా ఓ డివోషనల్ సినిమా అనూహ్య విజయాన్ని అందుకుంటోంది. ప్రస్తుతం ప్రేక్షకుల్లో హాట్ టాపిక్గా మారిన చిత్రం ‘హనుమాన్ అంశ్’. దర్శకుడు విశాల్ చతుర్వేది తెరకెక్కించిన ఈ సినిమా చిన్న స్థాయిలో మొదలై క్రమంగా బాక్సాఫీస్ వద్ద భారీ విజయంగా మారింది. సినిమాకు పెరుగుతున్న ఆదరణతో ప్రేక్షకుల డిమాండ్ కూడా రోజురోజుకూ పెరుగుతోంది.
అయితే ‘ఇరుముడి’ సినిమాకు ఎదురైన ఓ ఆసక్తికరమైన పరిస్థితి ఇప్పుడు ‘హనుమాన్ అంశ్’ విషయంలోనూ రిపీట్ అయిందని తెలుస్తోంది.
‘ఇరుముడి’ ప్రదర్శించాల్సిన ఓ థియేటర్కు తెలంగాణలోని ఓ ప్రాంతానికి చెందిన ప్రేక్షకులు వెళ్లగా, అక్కడ సినిమాను తొలగించి మరో చిత్రాన్ని ప్రదర్శిస్తున్నట్లు గుర్తించారు. దీంతో ప్రేక్షకులు థియేటర్ వద్దే బైఠాయించి నిరసనకు దిగారు. ‘ఇరుముడి’ షోను తిరిగి ప్రదర్శించాలని డిమాండ్ చేయడంతో థియేటర్ యాజమాన్యం ప్రేక్షకుల డిమాండ్కు స్పందించాల్సి వచ్చింది.
ఇప్పుడు దాదాపు ఇలాంటి ఘటనే ‘హనుమాన్ అంశ్’ విషయంలోనూ చోటుచేసుకుందని సమాచారం. ముంబైలోని బాంద్రా ప్రాంతంలో ‘హనుమాన్ అంశ్’కు బదులుగా ‘మీర్జాపూర్’ను ప్రదర్శించడంతో ప్రేక్షకులు అసంతృప్తి వ్యక్తం చేశారు. సినిమాను తిరిగి ప్రదర్శించాలని డిమాండ్ చేస్తూ నిరసనకు దిగిన పరిస్థితి పోలీసుల వరకు వెళ్లినట్లు తెలుస్తోంది.
దీంతో థియేటర్ యాజమాన్యం మళ్లీ ‘హనుమాన్ అంశ్’ సినిమాను ప్రదర్శించినట్లు సమాచారం. మొత్తానికి కంటెంట్ ప్రేక్షకులకు కనెక్ట్ అయితే వారు సినిమాను ఎంతగా ఆదరిస్తారో ఈ రెండు ఘటనలు మరోసారి నిరూపిస్తున్నాయి. డివోషనల్ కంటెంట్కు ప్రస్తుతం ప్రేక్షకుల్లో ఉన్న క్రేజ్కు ‘ఇరుముడి’, ‘హనుమాన్ అంశ్’ సినిమాలకు లభిస్తున్న స్పందనే నిదర్శనంగా నిలుస్తోంది.
