నందమూరి నటసింహం బాలకృష్ణ, దర్శకుడు గోపీచంద్ మలినేని కాంబినేషన్లో తెరకెక్కుతున్న ‘దాదా’ సినిమా గురించి ఇప్పటికే అందరికీ తెలిసిందే. ఈ చిత్రం తర్వాత బాలయ్య తన కెరీర్లో 112వ సినిమాను స్టార్ డైరెక్టర్ కొరటాల శివ దర్శకత్వంలో చేయబోతున్నారు. ఈ ప్రాజెక్ట్ను ఇప్పటికే అధికారికంగా ప్రకటించగా, భారీ స్థాయిలో తెరకెక్కించేందుకు మేకర్స్ ప్లాన్ చేస్తున్నట్లు తెలుస్తోంది.
తాజాగా ఈ సినిమాకు సంబంధించి ఓ ఆసక్తికరమైన అప్డేట్ ఇండస్ట్రీ వర్గాల్లో వినిపిస్తోంది. దీని ప్రకారం ‘బాలయ్య 112’ NBK 112 సినిమా అక్టోబర్ మొదటి వారం నుంచే సెట్స్పైకి వెళ్లనున్నట్లు సమాచారం. అంతేకాదు, ఈ సినిమా కోసం బాలయ్య ఏకంగా మూడున్నర నెలల పాటు కాల్షీట్స్ కేటాయించాల్సి ఉంటుందని తెలుస్తోంది.
దీంతో సినిమాలో బాలయ్య పాత్రకు ఎంతటి ప్రాధాన్యత ఉందో, ఆయన స్క్రీన్ టైమ్ ఏ స్థాయిలో ఉండబోతుందో అర్థం చేసుకోవచ్చని అభిమానులు భావిస్తున్నారు. బాలయ్యను పూర్తి స్థాయిలో చూపించేలా కొరటాల శివ కథను సిద్ధం చేసినట్లు టాక్ వినిపిస్తోంది.
ఇక స్క్రిప్ట్ విషయంలో కూడా కొరటాల శివ ఇప్పటికే పూర్తి క్లారిటీతో ఉన్నట్లు సమాచారం. కథ, పాత్ర విషయంలో దర్శకుడి వైపు నుంచి స్పష్టత రావడంతో బాలయ్య కూడా వీలైనంత త్వరగా షూటింగ్ ప్రారంభించాలని చూస్తున్నారట. దీంతో ఈ కాంబినేషన్పై అభిమానుల్లో అంచనాలు మరింత పెరుగుతున్నాయి.
బాలయ్య మాస్ ఇమేజ్కు కొరటాల శివ టేకింగ్ తోడైతే ఈ సినిమా భారీ యాక్షన్ ఎంటర్టైనర్గా రూపుదిద్దుకునే అవకాశం ఉందని ఇండస్ట్రీ వర్గాల్లో చర్చ జరుగుతోంది. ఇప్పటికే క్రేజీగా మారిన ఈ కాంబినేషన్లో ఎలాంటి సినిమా రాబోతుందో చూడాలి.
ఈ చిత్రానికి అనిరుద్ రవిచందర్ సంగీతం అందిస్తుండగా, యువసుధ ఆర్ట్స్ సంస్థ నిర్మిస్తోంది. బాలయ్య, కొరటాల కాంబినేషన్లో వస్తున్న ఈ ప్రాజెక్ట్పై అధికారిక అప్డేట్స్ కోసం అభిమానులు ఆసక్తిగా ఎదురుచూస్తున్నారు.
