ప్రస్తుతం గాడ్ ఆఫ్ మాసెస్ నందమూరి బాలకృష్ణ Balakrishna తన కెరీర్లో 111వ సినిమాను దర్శకుడు గోపీచంద్ మలినేనితో తెరకెక్కిస్తున్న సంగతి తెలిసిందే. మొదట ఈ చిత్రాన్ని భారీ హిస్టారికల్ డ్రామాగా ప్లాన్ చేసినప్పటికీ, తర్వాత మేకర్స్ దీన్ని పవర్ఫుల్ గ్యాంగ్స్టర్ యాక్షన్ డ్రామాగా మలిచారు. ప్రస్తుతం ఈ సినిమా షూటింగ్ ముంబైలో శరవేగంగా కొనసాగుతోంది.
ముంబై వీధుల్లో ఇప్పటికే ‘ఓజి’ సినిమా షూట్ చేసిన కొన్ని ప్రముఖ లొకేషన్స్లోనే బాలయ్య కూడా యాక్షన్ సీన్స్ చేస్తున్నారని సమాచారం. ఇక ఈ సినిమా గురించి తాజాగా ఓ ఆసక్తికరమైన బజ్ వినిపిస్తోంది. గ్యాంగ్స్టర్ బ్యాక్డ్రాప్తో పాటు సినిమాలో దేశభక్తి ఎలిమెంట్ కూడా ఉండబోతుందట.
ఇప్పటికే గోపీచంద్ మలినేని తన గత చిత్రం ‘జాట్’లో కూడా పేట్రియాటిక్ టచ్ చూపించారు. ఇప్పుడు బాలయ్యలాంటి మాస్ హీరోతో ఆ ఎలిమెంట్ను మరింత పవర్ఫుల్గా ప్రెజెంట్ చేయనున్నారని టాక్. ఇక ఈ చిత్రానికి థమన్ సంగీతం అందిస్తుండగా, వృద్ధి సినిమాస్ భారీ స్థాయిలో నిర్మాణం చేపడుతోంది.