మెగా పవర్ స్టార్ రామ్ చరణ్ నటిస్తున్న భారీ స్పోర్ట్స్ డ్రామా ‘పెద్ది’పై ప్రేక్షకుల్లో భారీ అంచనాలు నెలకొన్నాయి. దర్శకుడు బుచ్చిబాబు సానా తెరకెక్కిస్తున్న ఈ చిత్రంలో చరణ్ తన కెరీర్లోనే అత్యంత డిఫరెంట్ పాత్రలో కనిపించనున్నాడు. ముఖ్యంగా యాక్షన్ సన్నివేశాలు, స్పోర్ట్స్ బ్యాక్డ్రాప్ కోసం ఆయన తీవ్రంగా శ్రమించాడని చిత్ర యూనిట్ చెబుతోంది. ఈ క్రమంలో షూటింగ్ సమయంలో పలుమార్లు గాయపడినా, ఎక్కడా వెనక్కి తగ్గకుండా పూర్తి డెడికేషన్తో పని చేశాడట.
ఇటీవల ప్రమోషన్స్లో రామ్ చరణ్ చేతికి రిస్ట్ బ్యాండ్తో కనిపించడంతో అభిమానుల్లో ఆసక్తి పెరిగింది. దీనిపై స్పందించిన చరణ్.. ‘పెద్ది’ (Peddi) షూటింగ్ చివరి దశలో ఓ యాక్షన్ స్టంట్ చేస్తున్నప్పుడు చేతికి గాయం అయ్యిందని వెల్లడించాడు. చేతి కండరానికి దెబ్బ తగలడంతో వైద్యులు సర్జరీ చేయించుకోవాలని సూచించారట. అయితే ప్రస్తుతం సినిమా ప్రమోషన్స్ బిజీగా ఉండటంతో ఆయన ఆ ఆపరేషన్ను కొంతకాలం వాయిదా వేసుకున్నట్లు తెలిపాడు.
‘పెద్ది’ విడుదలైన తర్వాతే రామ్ చరణ్ సర్జరీ చేయించుకోనున్నాడని సమాచారం. అనంతరం కొంతకాలం విశ్రాంతి తీసుకుని పూర్తిగా కోలుకున్న తర్వాత తదుపరి ప్రాజెక్ట్స్పై ఫోకస్ పెట్టనున్నాడు. మైత్రీ మూవీ మేకర్స్, సుకుమార్ రైటింగ్స్ సంయుక్తంగా నిర్మిస్తున్న ఈ చిత్రంలో జాన్వీ కపూర్ హీరోయిన్గా నటిస్తుండగా, సంగీత సంచలనం ఏఆర్ రెహమాన్ సంగీతాన్ని అందిస్తున్నాడు.