మెగా పవర్ స్టార్ రామ్ చరణ్ Ram Charan ప్రస్తుతం వరుస ప్రాజెక్టులతో బిజీగా ఉన్నాడు. ఇటీవల ‘పెద్ది’తో ప్రేక్షకుల ముందుకు వచ్చిన చరణ్, తన తదుపరి సినిమాల విషయంలో కూడా ఆసక్తికరమైన కాంబినేషన్స్ను ఎంచుకుంటున్నాడు. ఈ క్రమంలోనే చరణ్కు సంబంధించిన ఓ క్రేజీ ప్రాజెక్ట్ ఇప్పుడు సినీ వర్గాల్లో చర్చనీయాంశంగా మారింది.
‘తానాజీ’, ‘ఆదిపురుష్’ చిత్రాల దర్శకుడు ఓం రౌత్తో రామ్ చరణ్ ఓ సినిమా చేయనున్నాడనే వార్తలు ప్రస్తుతం సోషల్ మీడియాలో వైరల్ అవుతున్నాయి. ఇప్పటికే ఓం రౌత్ చరణ్ను కలిసి ఓ కథను వినిపించాడని, ఆ కథపై హీరో కూడా ఆసక్తి చూపించినట్లు టాక్ వినిపిస్తోంది.
చరణ్ ఇమేజ్కు సరిపోయేలా ఓం రౌత్ ఓ భారీ స్కేల్ కథను సిద్ధం చేసినట్లు ప్రచారం జరుగుతోంది. ముఖ్యంగా ఈ ప్రాజెక్ట్ను పీరియాడిక్ హిస్టారికల్ యాక్షన్ డ్రామాగా తెరకెక్కించే ఆలోచనలో దర్శకుడు ఉన్నట్లు సమాచారం. కథకు తగ్గట్టుగా భారీ సెట్స్, విజువల్ ఎఫెక్ట్స్, గ్రాండ్ యాక్షన్ ఎపిసోడ్స్కు సినిమాలో ప్రాధాన్యత ఉండనుందని టాక్.
ఓం రౌత్ గత చిత్రాల మాదిరిగానే ఈ మూవీ కూడా విజువల్గా రిచ్గా ఉండేలా ప్లాన్ చేస్తున్నారనే వార్తలు వినిపిస్తున్నాయి. అదే సమయంలో రామ్ చరణ్ లాంటి స్టార్ హీరో ఈ ప్రాజెక్ట్లో భాగమైతే అంచనాలు మరింత పెరగడం ఖాయమనే అభిప్రాయం అభిమానుల్లో వ్యక్తమవుతోంది.
అయితే ప్రస్తుతం ఈ కాంబినేషన్కు సంబంధించి ఎలాంటి అధికారిక ప్రకటన రాలేదు. దీంతో చరణ్, ఓం రౌత్ కాంబోపై వస్తున్న వార్తలు ఎంతవరకు నిజమో తెలియాలంటే అధికారిక ప్రకటన వచ్చే వరకు వేచి చూడాల్సిందే.
