నందమూరి బాలకృష్ణ, దర్శకుడు గోపీచంద్ మలినేని కాంబినేషన్లో తెరకెక్కుతున్న ‘దాదా’పై Dada ఇప్పటికే భారీ అంచనాలు నెలకొన్నాయి. ఈసారి బాలయ్యను సరికొత్త అవతార్లో ప్రేక్షకుల ముందుకు తీసుకురాబోతున్నట్లు దర్శకుడు గోపీచంద్ మలినేని చెబుతున్నారు. 1980ల నేపథ్యంతో రూపొందుతున్న ఈ గ్యాంగ్స్టర్ యాక్షన్ డ్రామాలో బాలకృష్ణ లుక్, బాడీ లాంగ్వేజ్, స్వాగ్, మేనరిజమ్స్ ప్రత్యేక ఆకర్షణగా నిలవనున్నాయని తెలుస్తోంది.
అయితే ‘దాదా’లో యాక్షన్కే ఎక్కువ ప్రాధాన్యత ఉంటుందని అనుకుంటే పొరపాటేనని దర్శకుడు వెల్లడించాడు. ‘నరసింహనాయుడు’, ‘సింహా’ వంటి బాలయ్య సినిమాల్లో కనిపించిన తరహాలోనే ఈ చిత్రంలోనూ బలమైన ఫ్యామిలీ ఎమోషన్స్కు ప్రాధాన్యత ఉంటుందని చెప్పాడు. యాక్షన్తో పాటు కుటుంబ అనుబంధాలు, భావోద్వేగ సన్నివేశాలు కథలో కీలకంగా ఉండనున్నాయని తెలుస్తోంది.
ఈ చిత్రంలో కాజల్ అగర్వాల్ హీరోయిన్గా నటిస్తుండగా, మంచు మనోజ్ ప్రతినాయకుడి పాత్రలో కనిపించనున్నాడు. శరత్కుమార్, సముద్రఖని తదితరులు కీలక పాత్రలు పోషిస్తున్నారు. తమన్ ఈ సినిమాకు సంగీతం అందిస్తున్నాడు.
ఇక ‘దాదా’ నుంచి ఇటీవల విడుదలైన డైలాగ్ గ్లింప్స్కు సోషల్ మీడియాలో మంచి స్పందన లభించింది. ప్రస్తుతం ఈ సినిమాపై ప్రేక్షకుల్లో ఆసక్తి పెరుగుతోంది. నేటి ప్రేక్షకుల అభిరుచికి తగ్గట్టుగా యాక్షన్, ఎమోషన్స్తో సినిమాను తెరకెక్కిస్తున్నట్లు చిత్రబృందం చెబుతోంది.
అన్నీ అనుకున్నట్లుగా జరిగితే ‘దాదా’ చిత్రం డిసెంబర్ 24, 2026న ప్రపంచవ్యాప్తంగా థియేటర్లలో విడుదల కానుంది. బాలయ్యను గోపీచంద్ మలినేని ఈసారి ఎలాంటి అవతార్లో చూపించబోతున్నారో తెలుసుకోవాలంటే సినిమా విడుదల వరకు వేచి చూడాల్సిందే.