టాలీవుడ్ సూపర్స్టార్ మహేష్ బాబు Mahesh Babu క్రేజ్ గురించి ప్రత్యేకంగా చెప్పాల్సిన అవసరం లేదు. ఆయనతో సినిమా చేయాలని అటు టాలీవుడ్తో పాటు ఇటు బాలీవుడ్కి చెందిన పలువురు దర్శకులు ఆసక్తి చూపిస్తుంటారు. తాజాగా బాలీవుడ్ స్టార్ డైరెక్టర్ సంజయ్ లీలా భన్సాలీ పేరు కూడా ఈ లిస్ట్లో వినిపిస్తోంది.
తెలుగు సినిమా ఇండస్ట్రీకి చెందిన ఓ టాప్ హీరోతో భారీ ప్రాజెక్ట్ తెరకెక్కించాలని భన్సాలీ ఆసక్తిగా ఉన్నట్లు కొంతకాలంగా వార్తలు వస్తున్నాయి. ఈ క్రమంలో గతంలో అల్లు అర్జున్, ఎన్టీఆర్, రామ్ చరణ్ వంటి స్టార్ హీరోలతో ఆయన చర్చలు జరిపినట్లు ప్రచారం జరిగింది.
ఇప్పుడు ఈ లిస్ట్లో మహేష్ బాబు పేరు కూడా చేరింది. తాజాగా మహేష్ను భన్సాలీ కలిశారని, ఈ సందర్భంగా ఓ కథను కూడా వినిపించారనే టాక్ సోషల్ మీడియాలో, ఫిల్మ్ సర్కిల్స్లో చక్కర్లు కొడుతోంది. దీంతో వీరిద్దరి కాంబినేషన్లో సినిమా వచ్చే అవకాశాలపై ఆసక్తి నెలకొంది.
అయితే ప్రస్తుతం మహేష్ బాబు రాజమౌళి దర్శకత్వంలో తెరకెక్కుతున్న ‘వారణాసి’ చిత్రంతో బిజీగా ఉన్నారు. ఈ ప్రాజెక్ట్ పూర్తయ్యే వరకు ఆయన తన తదుపరి సినిమాలపై నిర్ణయం తీసుకునే అవకాశం లేదని తెలుస్తోంది.
అందువల్ల భన్సాలీ చెప్పిన కథ మహేష్కు నచ్చిందా? అసలు వీరిద్దరి కాంబినేషన్లో సినిమా ఉంటుందా? అనే విషయాలపై ప్రస్తుతానికి ఎలాంటి అధికారిక సమాచారం లేదు. రాబోయే రోజుల్లో ఈ కాంబినేషన్పై మరింత స్పష్టత వచ్చే అవకాశం ఉంది.
