విక్టరీ వెంకటేష్ ప్రధాన పాత్రలో తెరకెక్కుతున్న మోస్ట్ అవైటెడ్ ఫ్యామిలీ ఎంటర్టైనర్ ‘ఆదర్శ కుటుంబం’ Aadarsha Kutumbam. మాటల మాంత్రికుడు త్రివిక్రమ్ శ్రీనివాస్ దర్శకత్వంలో రూపొందుతున్న ఈ చిత్రంపై ఇప్పటికే మంచి అంచనాలు నెలకొన్నాయి. ఇటీవల విడుదలైన టీజర్కు కూడా ప్రేక్షకుల నుంచి మంచి స్పందన లభించింది.
రిలీజ్ డేట్ దగ్గరపడుతున్న నేపథ్యంలో చిత్ర బృందం వరుస అప్డేట్స్తో ప్రేక్షకులను ఆకట్టుకునేందుకు సిద్ధమవుతున్నట్లు తెలుస్తోంది. ఈ క్రమంలో సినిమాకు సంబంధించిన ఫస్ట్ సింగిల్పై తాజాగా ఓ ఆసక్తికరమైన బజ్ వినిపిస్తోంది.
సంగీత దర్శకుడు థమన్ స్వరపరిచిన ‘ఆదర్శ కుటుంబం’ తొలి పాటను ఈ వారాంతంలో విడుదల చేయాలని మేకర్స్ ప్లాన్ చేస్తున్నట్లు సమాచారం. సెప్టెంబర్ 18 లేదా 19 తేదీల్లో ఫస్ట్ సింగిల్ ప్రేక్షకుల ముందుకు వచ్చే అవకాశం ఉందని టాక్ నడుస్తోంది. అయితే దీనిపై చిత్ర బృందం నుంచి ఇంకా అధికారిక ప్రకటన రావాల్సి ఉంది.
కాగా, ఈ చిత్రాన్ని హారిక అండ్ హాసిని క్రియేషన్స్ బ్యానర్పై నిర్మిస్తున్నారు. ఫ్యామిలీ ఎంటర్టైనర్గా తెరకెక్కుతున్న ‘ఆదర్శ కుటుంబం’ అక్టోబర్ 2న థియేటర్లలో విడుదల కానుంది. మరి ఫస్ట్ సింగిల్ ఎలాంటి రెస్పాన్స్ అందుకుంటుందో చూడాలి.
