మెగాపవర్ స్టార్ రామ్ చరణ్ Ram Charan ప్రస్తుతం స్టార్ డైరెక్టర్ సుకుమార్ దర్శకత్వంలో తన కెరీర్లో 17వ సినిమాగా తెరకెక్కనున్న భారీ ప్రాజెక్ట్ కోసం సిద్ధమవుతున్న సంగతి తెలిసిందే. ‘రంగస్థలం’ వంటి బ్లాక్బస్టర్ తర్వాత ఈ క్రేజీ కాంబినేషన్లో మరో సినిమా రాబోతుండటంతో ఈ ప్రాజెక్ట్పై ఇప్పటికే భారీ అంచనాలు నెలకొన్నాయి.
ఇక ఈ సినిమా కోసం రామ్ చరణ్ తన లుక్ను మరోసారి పూర్తిగా మార్చుకుంటున్నట్లు తెలుస్తోంది. ‘పెద్ది’ సినిమా కోసం పెంచిన పొడవాటి జుట్టును అలాగే ఉంచుకుని, తన బాడీని మాత్రం మరింత స్లిమ్గా మార్చుకున్నట్లు తాజా లుక్ను బట్టి అర్థమవుతోంది. దీంతో సుకుమార్ సినిమాలో చరణ్ కనిపించబోయే లుక్పై మెగా అభిమానుల్లో ఆసక్తి మరింత పెరిగింది.
రామ్ చరణ్ గతంలో కూడా తన పాత్రల కోసం భారీగా లుక్ ట్రాన్స్ఫర్మేషన్స్ చేసిన సంగతి తెలిసిందే. ‘గేమ్ ఛేంజర్’లోనే ఆయన ఏకంగా మూడు విభిన్నమైన లుక్స్లో కనిపించి ఆకట్టుకున్నారు. పాత్రకు తగ్గట్టుగా తన శరీరాకృతి, హెయిర్స్టైల్, గెటప్ను మార్చుకోవడంలో చరణ్ చూపించే డెడికేషన్ అప్పట్లో ప్రశంసలు అందుకుంది.
అలాగే ‘పెద్ది’లోనూ విభిన్నమైన షేడ్స్లో కనిపించిన చరణ్.. ఇప్పుడు సుకుమార్ ప్రాజెక్ట్ కోసం మరో కొత్త అవతారంలోకి మారుతున్నాడు. సినిమా సినిమాకి తన లుక్ను పూర్తిగా మార్చుకోవడం ద్వారా పాత్రపై తనకున్న కమిట్మెంట్ను మరోసారి చాటుకుంటున్నాడు.
అయితే సుకుమార్ సినిమాలో చరణ్ ఒకే లుక్లో కనిపిస్తాడా? లేక ‘రంగస్థలం’, ‘గేమ్ ఛేంజర్’ తరహాలో ఈసారి కూడా ఒకటి కంటే ఎక్కువ గెటప్స్లో కనిపిస్తాడా? అనేది ప్రస్తుతానికి సస్పెన్స్గా ఉంది. ఈ విషయంపై క్లారిటీ రావాలంటే సినిమా నుంచి అధికారిక అప్డేట్స్ వచ్చే వరకు వేచి చూడాల్సిందే.
