నేచురల్ స్టార్ నాని హీరోగా, యంగ్ హీరోయిన్ కయాదు లోహర్ కథానాయికగా నటిస్తున్న మోస్ట్ అవైటెడ్ మూవీ ‘ది ప్యారడైజ్’ The Paradise. ‘దసరా’ ఫేమ్ శ్రీకాంత్ ఓదెల దర్శకత్వంలో తెరకెక్కుతున్న ఈ చిత్రంపై మొదటి నుంచే భారీ అంచనాలు నెలకొన్నాయి. భారీ స్థాయిలో రూపొందుతున్న ఈ సినిమా కోసం ప్రేక్షకులు ఎంతో ఆసక్తిగా ఎదురుచూస్తున్నారు.
ఇక ‘ది ప్యారడైజ్’ను అనుకున్న సమయానికే ప్రేక్షకుల ముందుకు తీసుకొచ్చేందుకు మేకర్స్ ప్లాన్ చేస్తున్నారు. ఇప్పటికే సినిమా షూటింగ్ శరవేగంగా జరుగుతుండగా.. తాజాగా షూట్కు సంబంధించి ఓ ఆసక్తికరమైన విషయం బయటకు వచ్చింది.
సినిమా మొత్తం షూటింగ్ పూర్తవ్వడానికి ఇక కేవలం ఒక్క సాంగ్ మాత్రమే పెండింగ్లో ఉందట. నాని, కయాదు లోహర్ కాంబినేషన్లో తెరకెక్కించాల్సిన ఈ పాటను మరికొద్ది రోజుల్లోనే పూర్తి చేయనున్నట్లు తెలుస్తోంది. ఈ సాంగ్ షూటింగ్ పూర్తయితే ‘ది ప్యారడైజ్’కు సంబంధించిన ప్రధాన చిత్రీకరణ మొత్తం పూర్తయినట్టేనని సమాచారం.
ఆ తర్వాత పోస్ట్ ప్రొడక్షన్ పనులను కూడా వేగంగా పూర్తి చేసి సినిమాను చెప్పిన సమయానికి విడుదల చేసేందుకు చిత్రబృందం సిద్ధమవుతోంది. దీంతో ‘ది ప్యారడైజ్’ షూటింగ్ క్లైమాక్స్కు చేరుకోవడంతో నాని అభిమానుల్లో ఆసక్తి మరింత పెరిగింది.
ఈ చిత్రానికి అనిరుధ్ రవిచందర్ సంగీతం అందిస్తుండగా.. ఎస్ఎల్వీ సినిమాస్ బ్యానర్పై భారీ బడ్జెట్తో ఈ సినిమాను నిర్మిస్తున్నారు. సినిమా కథ, నాని పాత్రతో పాటు శ్రీకాంత్ ఓదెల టేకింగ్ ఎలా ఉండబోతుందనే దానిపై ప్రేక్షకుల్లో ఇప్పటికే భారీ అంచనాలు ఉన్నాయి.
