కోలీవుడ్ స్టార్ హీరో సూర్య కథానాయకుడిగా, మమితా బైజు హీరోయిన్గా నటించిన లేటెస్ట్ ఫ్యామిలీ ఎంటర్టైనర్ ‘విశ్వనాథ్ అండ్ సన్స్’ Vishwanath and Sons. టాలెంటెడ్ డైరెక్టర్ వెంకీ అట్లూరి తెరకెక్కించిన ఈ ఎమోషనల్ డ్రామా ఆగస్టులో ప్రేక్షకుల ముందుకు వచ్చింది. థియేటర్లలో విడుదలైన ఈ సినిమాకు ప్రేక్షకుల నుంచి మంచి స్పందన లభించింది.
ఇక థియేట్రికల్ రన్ను పూర్తి చేసుకున్న ఈ సినిమా ఇప్పుడు ఓటీటీ ప్రేక్షకులను అలరించేందుకు సిద్ధమైంది. ఈ మూవీ డిజిటల్ స్ట్రీమింగ్ హక్కులను ప్రముఖ ఓటీటీ సంస్థ నెట్ఫ్లిక్స్ సొంతం చేసుకున్న సంగతి తెలిసిందే. తాజాగా ఈ సినిమా ఓటీటీ స్ట్రీమింగ్ డేట్ కూడా ఖరారైంది.
సెప్టెంబర్ 11 నుంచి ‘విశ్వనాథ్ అండ్ సన్స్’ నెట్ఫ్లిక్స్లో స్ట్రీమింగ్ కానుంది. తమిళంతో పాటు తెలుగు, మలయాళం, కన్నడ, హిందీ భాషల్లోనూ ఈ చిత్రాన్ని ప్రేక్షకులు వీక్షించవచ్చు. దీంతో థియేటర్లలో మిస్ అయిన వారితో పాటు మరోసారి ఈ ఫ్యామిలీ ఎమోషనల్ డ్రామాను చూడాలనుకునే వారికి ఇది మంచి అవకాశంగా మారింది.
కాగా, ఈ చిత్రాన్ని సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ బ్యానర్లపై నిర్మించారు. జీవీ ప్రకాష్ కుమార్ సంగీతం అందించారు. మరి ఓటీటీలోకి అడుగుపెట్టిన తర్వాత ‘విశ్వనాథ్ అండ్ సన్స్’ ఎలాంటి రెస్పాన్స్ అందుకుంటుందో చూడాలి.
