టాలీవుడ్లో వరుస అవకాశాలతో దూసుకెళ్తున్న యంగ్ హీరోయిన్లలో అనస్వర రంజన్ కూడా ఒకరు. ప్రస్తుతం ఆమె పలు క్రేజీ ప్రాజెక్టులతో బిజీగా ఉండగా.. మెగాస్టార్ చిరంజీవితో కలిసి నటిస్తున్న ‘కాకా’ Kaaka ఆమె కెరీర్లోనే బిగ్గెస్ట్ ప్రాజెక్ట్గా నిలవనుంది.
ఈ సినిమాలో చిరంజీవికి కూతురిగా అనస్వర రంజన్ కనిపించబోతున్నట్లు ఇప్పటికే ప్రచారం జరుగుతోంది. తాజాగా ఆమె పాత్రకు సంబంధించిన ఫస్ట్ లుక్ పోస్టర్ను మేకర్స్ విడుదల చేశారు. ఈ పోస్టర్లో అనస్వర ఎంతో అందంగా, పద్ధతైన హోమ్లీ లుక్లో ఆకట్టుకుంటోంది.
అయితే ఈ ఫస్ట్ లుక్లో మెగాస్టార్ చిరంజీవిని చూపించిన విధానం ప్రత్యేక ఆకర్షణగా నిలిచింది. అనస్వరకు ఎల్లప్పుడూ నీడలా, అండగా ఉంటూ.. ఆమెను కాపాడే తండ్రి పాత్రలో చిరంజీవి కనిపించబోతున్నారనే హింట్ ఈ పోస్టర్ ద్వారా ఇచ్చారు. కూతురిపై తండ్రికి ఉండే ప్రేమ, రక్షణ భావనను ప్రతిబింబించేలా పోస్టర్ను డిజైన్ చేశారు.
మొత్తంగా చూస్తే ‘కాకా’ ఒక ప్యాక్డ్ ఎంటర్టైనర్గా ప్రేక్షకుల ముందుకు రాబోతున్నట్లు తెలుస్తోంది. ఈ సినిమా సంక్రాంతి సీజన్లో ఎలాంటి ట్రీట్ ఇవ్వబోతుందో చూడాలి. ఇక ఈ చిత్రానికి ఎస్. థమన్ సంగీతం అందిస్తుండగా.. కేవీఎన్ ప్రొడక్షన్ బ్యానర్పై ఈ ప్రాజెక్ట్ తెరకెక్కుతోంది.
