పాన్ ఇండియా రెబల్ స్టార్ ప్రభాస్ ప్రస్తుతం వరుస భారీ ప్రాజెక్టులతో బిజీగా ఉన్న సంగతి తెలిసిందే. వాటిలో సెన్సేషనల్ డైరెక్టర్ సందీప్ రెడ్డి వంగా దర్శకత్వంలో తెరకెక్కుతున్న ‘స్పిరిట్’పై Spirit భారీ అంచనాలు నెలకొన్నాయి. పక్కా మాస్ యాక్షన్ డ్రామాగా రూపొందుతున్న ఈ సినిమాపై ప్రభాస్ అభిమానుల్లో ఇప్పటికే విపరీతమైన క్రేజ్ ఉంది.
ప్రస్తుతం ఈ సినిమా షూటింగ్లో ఇంకా కొంత భాగం పూర్తి కావాల్సి ఉంది. త్వరలోనే షూటింగ్ను తిరిగి ప్రారంభించేందుకు మేకర్స్ సన్నాహాలు చేస్తున్నట్లు తెలుస్తోంది. ఇదిలా ఉంటే.. ప్రభాస్ బర్త్డే సందర్భంగా ‘స్పిరిట్’ నుంచి అభిమానులకు అదిరిపోయే ట్రీట్ ఇచ్చేందుకు దర్శకుడు సందీప్ రెడ్డి వంగా ప్లాన్ చేస్తున్నట్లు సినీ వర్గాల్లో టాక్ వినిపిస్తోంది.
గతంలో విడుదల చేసిన ఆడియో గ్లింప్స్ తరహాలో కాకుండా, ఈసారి నేరుగా ప్రభాస్ను హైలైట్ చేస్తూ ఓ పవర్ఫుల్ యాక్షన్ గ్లింప్స్ను విడుదల చేసే ఆలోచనలో ఉన్నట్లు సమాచారం. దీంతో ప్రభాస్ బర్త్డే రోజున ‘స్పిరిట్’ నుంచి వచ్చే ట్రీట్ ఎలా ఉండబోతుందనే ఆసక్తి మరింత పెరిగింది.
మిగతా సినిమాల సంగతి ఎలా ఉన్నా.. ఈసారి ‘స్పిరిట్’ నుంచి మాత్రం ప్రభాస్ అభిమానులకు క్రేజీ సర్ప్రైజ్ ఖాయమనే టాక్ వినిపిస్తోంది. ఇక ఈ చిత్రానికి హర్ష వర్ధన్ రామేశ్వర్ సంగీతం అందిస్తుండగా, భద్రకాళి పిక్చర్స్ బ్యానర్పై ఈ ప్రతిష్టాత్మక ప్రాజెక్ట్ తెరకెక్కుతోంది.
