మెగాస్టార్ చిరంజీవి కెరీర్లోనే ప్రత్యేకమైన చిత్రంగా నిలిచిన ‘ఇంద్ర’ Indra మరోసారి అభిమానులను అలరించేందుకు సిద్ధమైంది. బ్లాక్బస్టర్గా నిలిచిన ఈ మాస్ ఎంటర్టైనర్ తాజాగా 4K రీమాస్టర్డ్ వెర్షన్లో డిజిటల్గా అందుబాటులోకి వచ్చింది. దీంతో చిరంజీవి అభిమానులు ఈ క్లాసిక్ను మరింత మెరుగైన విజువల్స్, ఆడియో క్వాలిటీతో చూసే అవకాశం దక్కింది.
వైజయంతి మూవీస్ బ్యానర్పై అశ్వినీ దత్ నిర్మించిన ఈ చిత్రానికి బి. గోపాల్ దర్శకత్వం వహించారు. పవర్ఫుల్ ఇంద్రసేనారెడ్డి పాత్రలో చిరంజీవి తనదైన మాస్ యాక్షన్, స్టైల్తో ఆకట్టుకున్నారు. మణిశర్మ అందించిన సంగీతం, అదిరిపోయే పాటలు, బి. గోపాల్ మార్క్ మాస్ టేకింగ్ సినిమాకు మరింత బలాన్ని చేకూర్చాయి.
ఇక ఈ చిత్రంలో సోనాలి బింద్రే, ఆర్తి అగర్వాల్ కథానాయికలుగా నటించారు. అప్పట్లో థియేటర్లలో భారీ విజయాన్ని అందుకున్న ‘ఇంద్ర’.. రీ-రిలీజ్ సమయంలోనూ అభిమానుల్లో మంచి క్రేజ్ను సొంతం చేసుకుంది.
తాజాగా 4K రీమాస్టర్డ్ ప్రింట్ను యూట్యూబ్లో అందుబాటులోకి తీసుకొచ్చారు. దీంతో చిరంజీవి అభిమానులు ఈ ఆల్టైమ్ ఫేవరెట్ మూవీని ఎలాంటి అదనపు ఖర్చు లేకుండా యూట్యూబ్లో వీక్షించవచ్చు. మెరుగైన 4K విజువల్స్, హై క్వాలిటీ ఆడియోతో ‘ఇంద్ర’ను మరోసారి చూసేందుకు మెగా ఫ్యాన్స్కు ఇదొక మంచి అవకాశం అని చెప్పొచ్చు.
