టాలీవుడ్లో ఇప్పటివరకు వచ్చిన ఫస్ట్ గ్లింప్స్లో పవర్ స్టార్ పవన్ కళ్యాణ్–సుజీత్ కాంబినేషన్లో రూపొందిన ‘ఓజి’ గ్లింప్స్ ఒక ప్రత్యేక బెంచ్మార్క్ను సెట్ చేశాయి. తక్కువ నిడివి, గట్టి విజువల్స్, పవర్ఫుల్ బ్యాక్గ్రౌండ్ స్కోర్తో ఆ గ్లింప్స్ చూపించిన ఇంపాక్ట్ ఇప్పటికీ మర్చిపోలేనిది. ఆ తర్వాత ఆ స్థాయి హైప్ క్రియేట్ చేసిన గ్లింప్స్ చాలా అరుదుగా మాత్రమే కనిపించాయి.
ఇప్పుడు అదే రేంజ్ ట్రీట్ నటసింహం బాలకృష్ణ (Balakrishna) నుంచి రాబోతోందా అనే ఆసక్తి అభిమానుల్లో గట్టిగా పెరిగింది. బాలయ్య 111 చిత్ర బృందం ప్రస్తుతం ముంబైలో షూటింగ్లో బిజీగా ఉండగా, ‘ఓజి’ గ్లింప్స్లో కనిపించిన లొకేషన్స్లోనే ఈ సినిమా టీమ్ కూడా పనిచేస్తుండటం హాట్ టాపిక్గా మారింది. దీనితో పోలికలు రావడం సహజంగా మారింది.
జూన్ 10న బాలయ్య పుట్టినరోజు కానుకగా మేకర్స్ ఒక సాలిడ్ గ్లింప్స్ లేదా స్పెషల్ ట్రీట్ను ప్లాన్ చేస్తున్నట్లు సమాచారం. ముఖ్యంగా ఈ సినిమా కూడా గ్యాంగ్స్టర్ బ్యాక్డ్రాప్లో తెరకెక్కుతుండటంతో అంచనాలు మరింత పెరిగాయి. పైగా ఈ ప్రాజెక్ట్కు థమన్ సంగీతం అందిస్తుండటం గ్లింప్స్పై ఉన్న హైప్ను ఇంకొక లెవెల్కు తీసుకెళ్తోంది.
మరి నిజంగా ‘ఓజి’ తరహాలోనే విజువల్ బ్లాస్ట్తో బాలయ్య 111 గ్లింప్స్ అభిమానులను షాక్ ఇస్తుందా..? అంచనాలకు తగ్గట్టుగా మ్యాజిక్ వర్క్ అవుతుందా..? అన్నది చూడాలంటే జూన్ 10 వరకూ వెయిట్ చేయాల్సిందే.