భారీ అంచనాల మధ్య రిపబ్లిక్ డే ట్రీట్‌గా విడుదలైన బాలీవుడ్ స్టార్స్ హృతిక్ రోషన్ మరియు దీపికా పదుకొనేల హై బడ్జెట్ యాక్షన్ డ్రామా ఫైటర్ ప్రపంచవ్యాప్తంగా బాక్సాఫీస్ వద్ద ఘోర పరాజయం పాలవుతుంది . రొటీన్ కంటెంట్ కారణంగా మూవీ కి అంత వసూళ్లు రావడం లేదు. సోమవారం రోజున ఫైటర్ సినిమా వసూళ్లు దారుణం గా పడిపోయాయి. భారతదేశం అంతటా టిక్కెట్ కౌంటర్లలో కేవలం 8 కోట్ల రూపాయల వసూళ్లని రాబట్టడం జరిగింది. ఈ మూవీ మొత్తం 5 రోజుల ఆల్ ఇండియా నెట్ వసూళ్లు దాదాపు 127 కోట్ల రూపాయలు.
మరోవైపు ఈ మూవీ ప్రపంచ వ్యాప్తంగా దాదాపు 220 కోట్ల రూపాయలను వసూలు చేసింది. ఈ మూవీ ఉత్తర అమెరికా ప్రాంతంలో ఇప్పటివరకు 5.2 మిలియన్ల డాలర్ల కి పైగా వసూలు చేసింది. ఫైటర్ మూవీకి బాలీవుడ్ డైరెక్టర్ సిద్ధార్థ్ ఆనంద్ దర్శకత్వం వహించారు. అతని మునుపటి మూవీ , షారుఖ్ ఖాన్ మరియు దీపికా పదుకొనే నటించిన స్పై థ్రిల్లర్ పఠాన్, భారతదేశం అంతటా 525 కోట్ల రూపాయల వసూళ్లని రాబట్టింది. ఫైటర్ లాంగ్ రన్ లో ఎలాంటి వసూళ్లను రాబడుతుందో చూడాలి.
