యంగ్ టైగర్ ఎన్టీఆర్ (NTR) ప్రధాన పాత్రలో, స్టార్ డైరెక్టర్ కొరటాల శివ దర్శకత్వం లో తెరకెక్కుతున్న యాక్షన్ ఎంటర్టైనర్ మూవీ దేవర. ఈ మూవీ రెండు భాగాలుగా విడుదల చేయనున్నారు మేకర్స్. మొదటి భాగం దేవర పార్ట్ 1 నుండి మొదటి సింగిల్ త్వరలో ఆవిష్కరించబడుతుందని మేకర్స్ ప్రకటించారు. మే 20, 2024న జూనియర్ ఎన్టీఆర్ అభిమానులకి ప్రత్యేక ట్రీట్‌గా, ఆయన పుట్టినరోజు సందర్భంగా ఫస్ట్ సింగిల్‌ని విడుదల చేయడానికి ప్రొడక్షన్ టీమ్ అవిశ్రాంతంగా కృషి చేస్తున్నట్లు ఇటీవలి అప్డేట్‌లు సూచిస్తున్నాయి.
తాజా నివేదికల ప్రకారం, లిరికల్ వీడియోకి సంబంధించిన పనులు కూడా జరుగుతున్నాయి. రేపు పాట విడుదల తేదీకు సంబంధించిన ప్రకటన కూడా వెలువడే అవకాశం ఉన్నది . ఎన్టీఆర్ ఆర్ట్స్ మరియు యువసుధ ఆర్ట్స్ నిర్మిస్తున్న ఈ భారీ బడ్జెట్ మూవీ లో బాలీవుడ్ నటి జాన్వీ కపూర్ కథానాయికగా నటిస్తుంది . అనిరుధ్ రవిచందర్ సంగీత దర్శకుడిగా వ్యవహరిస్తున్న ఈ మూవీ లో సైఫ్ అలీఖాన్, షైన్ టామ్ చాకో, ప్రకాష్ రాజ్, తదితరులు కీలక పాత్రల ల్లో నటిస్తున్నారు. దేవర పార్ట్ 1 అక్టోబర్ 10, 2024న థియేటర్లలోకి రానున్నది .
