కొరటాల శివ దర్శకత్వంలో నందమూరి బాలకృష్ణ హీరోగా ఓ భారీ ప్రాజెక్ట్ తెరకెక్కనున్న విషయం తెలిసిందే. ప్రస్తుతం ఈ సినిమాకు సంబంధించిన ప్రీ ప్రొడక్షన్ పనులు కొనసాగుతున్నాయి. డిసెంబర్ మొదటి వారం నుంచి రెగ్యులర్ షూటింగ్ ప్రారంభించేలా దర్శకుడు కొరటాల శివ ప్రణాళికలు సిద్ధం చేస్తున్నట్లు సమాచారం.
ఇదిలా ఉండగా, కొరటాల శివ దర్శకత్వంలోనే వచ్చిన ‘దేవర’ Devara 2 సినిమాకు సీక్వెల్ ఉంటుందా లేదా అనే చర్చ మరోసారి మొదలైంది. తొలి భాగం విడుదలైన తర్వాత సీక్వెల్పై అనేక రకాల వార్తలు వినిపించాయి. అయితే ‘దేవర 2’ కచ్చితంగా ఉంటుందని హీరో ఎన్టీఆర్ గతంలోనే స్పష్టం చేశారు.
తాజాగా వినిపిస్తున్న సమాచారం ప్రకారం ‘దేవర సీక్వెల్’ వచ్చే ఏడాది చివర్లో సెట్స్పైకి వెళ్లే అవకాశం ఉందని టాక్. బాలకృష్ణతో కొరటాల శివ చేయనున్న సినిమా పూర్తయిన తర్వాత ఆయన ‘దేవర 2’పై దృష్టి పెట్టనున్నట్లు తెలుస్తోంది. మరోవైపు ఎన్టీఆర్ కూడా త్రివిక్రమ్ దర్శకత్వంలో చేయనున్న సినిమాను పూర్తి చేసిన తర్వాత ఈ సీక్వెల్ షూటింగ్లో పాల్గొనే అవకాశం ఉందని సమాచారం.
ఇక ‘దేవర సీక్వెల్’కు సంబంధించిన ప్రీ ప్రొడక్షన్ పనులు ఇప్పటికే పూర్తయ్యాయని టాక్ వినిపిస్తోంది. దీంతో సరైన సమయం చూసుకుని షూటింగ్ ప్రారంభించేందుకు మేకర్స్ సిద్ధమవుతున్నట్లు తెలుస్తోంది. అయితే షూటింగ్ ప్రారంభ తేదీపై ఇప్పటివరకు అధికారిక ప్రకటన మాత్రం రాలేదు.
‘దేవర’లో జాన్వీ కపూర్ హీరోయిన్గా నటించగా, సైఫ్ అలీ ఖాన్ కీలకమైన ప్రతినాయక పాత్రలో కనిపించారు. అనిరుధ్ రవిచందర్ సంగీతం అందించారు. శ్రీకాంత్, ప్రకాష్ రాజ్, అజయ్, మురళీ శర్మ తదితరులు ముఖ్యమైన పాత్రల్లో నటించారు.
మొత్తానికి ‘దేవర 2’పై వస్తున్న తాజా వార్తలు మరోసారి అభిమానుల్లో ఆసక్తిని పెంచుతున్నాయి. ఎన్టీఆర్, కొరటాల శివ కాంబినేషన్లో సీక్వెల్ ఎప్పుడు సెట్స్పైకి వెళ్తుందనే విషయంపై అధికారిక క్లారిటీ రావాల్సి ఉంది.
